ნაზი ჯანეზაშვილი - იუსტიციის საბჭოს მოსამართლე წევრებმა გადაწყვიტეს, მორიგი შოუ მოაწყონ

საბჭო, მოსამართლე წევრები და ეს „კლანი“ უვადო დანიშვნების სისტემას იყენებს თავისი ძალაუფლების გაძლიერებისთვის და არა ინდივიდუალური მოსამართლის გაძლიერებისთვის,-ამის შესახებ იუსტიციის უმაღლესი საბჭოს არამოსამართლე წევრმა, ნაზი ჯანეზაშვილი საბჭოს გასვლითი სხდომის დაწყებამდე განაცხადა.

"დღევანდელი სხდომა, რომელიც ტარდება საქალაქო სასამართლოში შეთანხმებული არ ყოფილა ჩვენთან, ეს გადაწყვიტეს მოსამართლე წევრებმა, რომ მოეწყოთ კიდევ მორიგი შოუ. ჩვენ ვნახეთ, რომ მოსამართლეთა ბოლო კონფერენციაზე საზოგადოებას მოსამართლეებმა აჩვენეს, როგორი უნდა იყოს მოჩვენებითი ერთიანობა. მე მიმაჩნია, რომ ამგვარი კამპანიური სახის ღონისძიებებს სასამართლო აორგანიზებს და უპირისპირებს საზოგადოების მთავარ ინტერესს, რომ სასამართლო იყოს დამოუკიდებელი და ანგარიშვალდებული“, - განაცხადა ნაზი ჯანეზაშვილმა.

მისივე თქმით, პარლამენტის გადასაწყვეტია თუ რა გადაწყვეტილებას მიიღებს და "არა კონკრეტული კლანის."

"ეს არის პარლამენტის გადასაწყვეტი საკითხი და არა კონკრეტული „კლანის“ თუ რამდენიმე ადამიანის. დაველოდოთ პარლამენტის გადაწყვეტილებას, მის ნებას. მთავარი აქ ის არის, რომ უვადო დანიშვნები ვერ უძლებს კრიტიკას და ჩვენ ვნახეთ, ბოლო დროს როდესაც დაინიშნა ლევან მურუსიძე, როგორ მიიღო საბჭომ გადაწყვეტილება- ფორსირებულ რეჟიმში, გასაუბრების დღესვე ჩაატარა კენჭისყრა. საბჭო, მოსამართლე წევრები და ეს კლანი უვადო დანიშვნების სისტემას იყენებს თავისი ძალაუფლების გაძლიერებისთვის და არა ინდივიდუალური მოსამართლის გაძლიერებისთვის. სისტემა , რომელიც არის ძალიან დემოკრატიული აღმოჩნდა, რომ „კლანმა“ გამოიყენა თავის სასარგებლოდ", - აღნიშნა ნაზი ჯანეზაშვილმა.

თამარ გაბუნია - ეპიდემიის გავრცელების მაჩვენებელი ჯერ კონტროლის ფარგლებში რჩება, თუმცა გარკვეული შერბილებების შემდეგ, რაღაცნაირად მოვდუნდით
ზვიად კირტავა - მთავარია, ყველა მოქალაქემ გააცნობიეროს - თუ სწორად მოექცევა ჯანმრთელობას, სამუშაოს და ბიზნესსაც შეინარჩუნებს, თუ წესებს დაივიწყებს, ყველას და ყველაფერს რისკის ქვეშ დააყენებს
ქართული პრესის მიმოხილვა 01.06.2020
ფინკა ბანკის საჩუქარი ექიმებს - საუკეთესო პირობები დეპოზიტზე
ლიბერთი ბანკმა ქალთა ეკონომიკური გაძლიერების მიზნით დაგეგმილი ტრენინგების ციკლიდან პირველი ტრენინგი ჩაატარა
ხელფასის, საშემოსავლოსა და საპენსიო შენატანის გადარიცხვა ერთი ოპერაციით - მხოლოდ ტერაბანკის ბინზესბანკინგით
"დიჯიტალ ტვ" საიუბილეო აქციას იწყებს
„დრესაპ ჯგუფის“ მაღაზიები გაიხსნა