ნათია მეზვრიშვილი - ყოველდღიურად ათობით ცივი იარაღის ამოღება ხდება

შინაგან საქმეთა მინისტრის მოადგილის, ნათია მეზვრიშვილის განცხადებით, თუ ვინმე დგას 14 წლამდე არასრულწლოვნების დანაშაულის უკან, ისევ მათზე უფროსი არასრულწლოვნები, 17-18 წლის პირები არიან.

როგორც მეზვრიშვილმა გაზეთ „კვირის პალიტრისთვის“ მიცემულ ინტერვიუში განაცხადა, არასრულწლოვანთა მიერ ჩადენილი დანაშაული საკმაოდ მტკივნეულია.

მინისტრის მოადგილის განცხადებით, არასრულწლოვანთა კოდექსი ძალიან კარგია.

„მე მას ვიცავდი და სულ დავიცავ, მაგრამ ამ კოდექსმა დროს გაუსწრო და რისი გაკეთებაც აუცილებელი იყო, პრევენციის, განათლების, ჯანდაცვის, სოციალური მიმართულებებით, არ გაკეთდა. არასრულწლოვნების მიერ ჩადენილი დანაშაულის კუთხით მნიშვნელოვანი ზრდა გვაქვს როგორც 14-დან 18 წლამდე პირებში, ასევე 14 წლამდე მოზარდებში. ძირითადად, ქურდობენ. საზოგადოების მოთხოვნა ხშირად მსმენია: კანონი გავამკაცროთ, ხომ არ დავწიოთ პასუხისმგებლობის ასაკი 14-დან 12 წლამდეო. მე არ ვფიქრობ, რომ ეს სწორი გზაა. ეს უნდა მოხდეს იმ შემთხვევაში, თუ სახელმწიფო ძალისხმევას არ დააკლებს, იმუშავებს პრევენციაზე და მაინც ჩაიდენენ ისინი დანაშაულს. გამოსავალია სარეაბილიტაციო პროგრამები, პრევენციაზე, განათლებაზე მუშაობა. ხშირად გამიგონია, სამინისტრო ხედავს, არასრულწლოვნები დანაშაულს სჩადიან და არ აკავებენო. არ ვაკავებთ კი არა, ვერ ვაკავებთ. ჩვენ კანონის ფარგლებში ვმოქმედებთ. თუ ვინმე დგას 14 წლამდე არასრულწლოვნების დანაშაულის უკან, ისევ მათზე უფროსი არასრულწლოვნები, 17-18 წლის პირები, ან ისინი, ვინც სრულწლოვანებას მიაღწია და იციან, რომ პასუხისმგებლობა დაეკისრებათ. ამიტომ ჰყავთ ჯგუფში არასრულწლოვნები, რომლებსაც პასუხისმგებლობა არ ეკისრებათ“, - განაცხადა მინისტრის მოადგილემ.

ნათია მეზვრიშვილმა ცივი ან ცეცხლსასროლი იარაღის ტარებასთან დაკავშირებით პრევენციული ღონისძებების გატარებასთან დაკავშირებითაც ისაუბრა და აღნიშნა, რომ შსს ამ მიმართულებით მუშაობს.

„ამ მიმართულებით ვმუშაობთ. რეალურად ყოველდღიურად ათობით ცივი იარაღის ამოღება გვიხდება, თუმცა არ გვინდა ამან საზოგადოებაში პანიკა გამოიწვიოს და ამიტომ არ ვასაჯაროებთ. პარალელურად ვმუშაობთ კანონმდებლობის დახვეწაზე, რაც ბრუნვას დაარეგულირებს“, - განაცხადა მეზვრიშვილმა.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 21.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)