ვანო ზარდიაშვილი - არ ვთვლი, რომ „ნაციონალური მოძრაობიდან" პორტირებული ვარ

„მე არ ვთვლი, რომ „ნაციონალური მოძრაობიდან" პორტირებული ვარ,"- ამის შესახებ საპარლამენტო უმრავლესობის წევრმა ვანო ზარდიაშვილმა ჟურნალისტებს განუცხადა. მისი თქმით, წინა ხელისუფლების დროს ყველაზე მაღალი თანამდებობა, რაც მას ეკავა, განყოფილების უფროსი იყო.

„არადროს ჩემს ცხოვრებაში არ ვყოფილვარ „ნაციონალური მოძრაობის" წევრი. მაქსიმუმი, რა თანამდებობაც მეკავა წინა ხელისუფლების დროს, ეს იყო განყოფილების უფროსი. ჩვენს გუნდშიც ნახავთ უფრო დიდი დანამდებობის პირებს, რომლებიც „ნაციონალური მოძრაობის“ დროს მუშაობდნენ. შესაბამისად, რაიმე ფორმით დაკავშირება 7 წლის წინანდელ ისტორიასთან, ეს პოლიტიკური ოპონენტების დღის წესრიგია“, - განაცხადა ზარდიაშვილმა.