რომან გოცირიძე - ზოგიერთი საპენსიო თემას იყენებს იმისთვის, რომ დატოვოს უმრავლესობა და ალბათ დღეს ერთ-ერთი ასეთი ფაქტი გვექნება

ვერ გეტყვით არის თუ არა საპენსიო რეფორმა რეალურად უმრავლესობის დატოვების საფუძველი, შეიძლება ეს უფრო იყოს საბაბი, თუმცა ფაქტია, ამ საკითხმა პოლიტიკური უკმაყოფილებების პროვოცირება გამოიწვია, - ასე აფასებს საპენსიო რეფორმის ალტერნატიულ ვერსიებს ფრაქცია ,,ნაციონალური მოძრაობის" თავმჯდომარე რომან გოცირიძე.

როგორც დეპუტატმა „ინტერპრესნიუსის“ კითხვის საპასუხოდ განაცხადა, „ნაციონალურ მოძრაობას" ჰქონდა საკუთარი სქემა დაგროვებითი პენსიის შესახებ, თუმცა იქიდან გამომდინარე, რომ ხელისუფლების მხარდაჭერის იმედი არ ჰქონდათ, პარტიამ მისი ინიცირება საჭიროდ არ ჩათვალა.

„მიუხედავად იმისა, რომ საპენსიო რეფორმა უკვე ამოქმედდა, პირველივე დღეებში არის დიდი გაუგებრობა. ეს იყო მოუმზადებელი მოდელი. ჩვენ ვაფრთხილებდით, რომ მსგავსი სქემების ამოქმედება აუცილებელია ნებაყოფლობით საწყისებზე, საჭირო იყო თანდათანობით შეჩვევა, გარდა ამისა, ადამიანებს უნდა ჰქონოდათ არჩევანი საკუთარი თანხები განეთავსებინათ სახელმწიფო ფონდში თუ კერძო ფონდში. სამწუხაროდ, ეს არ მოხდა. რაც შეეხება ალტერანტიულ ვერსიებს, ზოგი არის უარესი, ზოგი უკეთესი. ზოგი კიდევ საპენსიო თემას იყენებს იმისათვის, რომ დატოვოს უმრავლესობა და ალბათ დღეს ერთ-ერთი ასეთი ფაქტი გვექნება. ჩვენ გვქონდა ჩვენი ალტერნატიული მოდელი, მაგრამ სქემა უკვე ამუშავებულია, სამწუხაროდ. ხელისუფლება არასდროს არ დაუჭერს მხარს ოპოზიციის მოსაზრებას და არ ვთვლით საჭიროდ ჩვენი ინიციატივით გამოვიდეთ. კარგი იქნება თუ ხელისუფლება დღეს არსებული მოდელის კორექტორებას მოახდენს“, - განაცხადა რომან გოცირიძემ.

სოსო არჩვაძე - ხელისუფლებას აქვს ერთი მკაფიოდ განსაზღვრული ამოცანა - მშვიდობიანად, რაც შეიძლება მინიმალური დანაკარგებით გაიყვანოს ქართული სახელმწიფოებრიობის ხომალდი სამშვიდობოს
ქართული პრესის მიმოხილვა 26.11.2020
ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან