ძალიან გთხოვთ, ნუ ეტყვით ჩემს შვილს, რომ მისი დედა მონაა იმიტომ, რომ ის თქვენ აღარ დაგიჯერებთ,- ასე მიმართა ქუთაისის სააპელაციო სასამართლოს მოსამართლემ მაკა გორგოძემ იუსტიციის უმაღლესი საბჭოს არამოსამართლე წევრს ანა დოლიძეს.

მოსამართლის თქმით, მისი შვილი ყველანაირ სამართლებრივ აქტივობებში მონაწილობდა, მათ შორის აქციებშიც, ხოლო "მონა მოსამართლის შვილი" ასეთ ხმაურიან აქტივობებში მონაწილეობას ვერ მიიღებს.

„ჩემი შვილი იდგა საპროტესტო აქციებზე თქვენს მხარდამხარ, რომელიც შავი ზღვის უნივერსიტეტს ეძღვნებოდა. ის იყო აქციების მთავარი ორგანიზატორი, რომელსაც სახელმწიფოს ერთ-ერთი მაღალჩინოსნის გადადგომა მოჰყვა. აქ არიან იუსტიციის საბჭოს წევრები, თუ რომელიმე მათგანმა მითხრა, რომ არ შეიძლება სახელმწიფოს, ამ შემთხვევაში, მთავრობის წინააღმდეგ ჩემმა შვილმა მიიღოს მონაწილეობა, მე დღეს მოსამართლე არ ვიქნებოდი და არც თქვენს წინაშე გამოვიდოდი სიტყვით. მაგრამ, რომ შებრძანდებით აუდიტორიაში, ძალიან გთხოვთ, ნუ ეტყვით ჩემს შვილს, რომ მისი დედა მონაა, რადგან ის თქვენ აღარ დაგიჯერებთ. იმიტომ რომ იცის, მონად არ გაუზრდია მის დედას. ის თქვენთან ერთად მონაწილობდა ყველნაირ აქტივობაში, რაც მისთვის სიმართლედ აღქმულ გარემოებებს ეხებოდა", - განაცხადა მაკა გორგოძემ.