„ვისოლი“, „თიბისი ბანკი“ და „თიბისი დაზღვევა“ ერთობლივ აქციას იწყებენ. როგორც „ინტერპრესნიუსს“ „თიბისი ბანკიდან“ აცნობეს, მომხმარებელი, რომელიც ერთი თვის განმავლობაში „თიბისის“ ნებისმიერი ბარათით ვისოლის ქსელში შეიძენს 250 ლარის საწვავს ან ბუნებრივ აირს, ვისოლისგან ავტომატურად დასაჩუქრდება „თიბისი დაზღვევის“ ავტოპასუხისმგებლობის, მძღოლის და მგზავრების ერთთვიანი დაზღვევით, 5000- ლარიანი ლიმიტით.
„საჩუქარი მომხმარებელს ავტომატურად გაუაქტიურდება და მოიცავს: ავტოპასუხისმგებლობის დაზღვევას 2,500 ლარიანი ლიმიტით, თუ ავტომობილის მართვისას, მომხმარებლის ბრალეულობით დაზიანდება სხვისი ავტომობილი, ქონება ან ჯანმრთელობა, „თიბისი დაზღვევა“ აანაზღაურებს ზარალს;
მძღოლისა და მგზავრების უბედური შემთხვევისგან დაზღვევას 2,500 ლარიანი ლიმიტით, თუ ავტომობილის მართვისას მომხმარებელი ან მგზვარები მიიღებენ ჯანმრთელობის დაზიანებას თიბისი დაზღვევა აანაზღაურებს მკურნალობის ხარჯებს“, – აცხადებენ „თიბისი ბანკში“.
მათივე ინფორმაციით, დაზღვევა იმოქმედებს ნებისმიერი ავტომობილის მართვისას ერთთვის განმავლობაში და განახლდება ყოველ ახალ თვეს ვისოლში საწვავის შეძენისას. დაინტერესებულ პირებს აქციის შესახებ დეტალური ინფორმაცია შეუძლიათ იხილონ ბმულზე – tbcinsurance.ge.