ახალგაზრდა ქალი, რომელიც სავარაუდოდ, ყოფილმა მეუღლემ დაჭრა, ღუდუშაურის კლინიკაში გადაიყვანეს

ხოშარაულის ქუჩაზე, სავარაუდოდ, ყოფილი მეუღლის მიერ დაჭრილი ქალი ღუდუშაურის კლინიკაში გადაიყვანეს.

ქალის მდგომარეობასთან დაკავშირებით კლინიკაში ჯერჯერობით კომენტარს არ აკეთებენ. მას შესაბამისი სამედიცინო გამოკვლევები უტარდება.

თბილისში, ახალგაზრდა ქალი, სავარაუდოდ, ყოფილმა მეუღლემ ცივი იარაღით დაჭრა. როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 11.117-ე მუხლის პირველი ნაწილით მიმდინარეობს, რაც ჯანმრთელობის განზრახ მძიმედ დაზიანებას გულისხმობს. აღნიშნული დანაშაული 3-დან 6 წლამდე თავისუფლების აღკვეთას ითვალისწინებს.