ალდაგი თხილის მწარმოებელებს დარგში მიმდინარე სიახლეებს გააცნობს

საქართველოს თხილის მწარმოებელთა ასოციაციის ინიციატივით, ზუგდიდში თხილის მწარმოებელთა მესამე კონფერენცია გაიმართება.

როგორც „ინტერპრესნიუსს“ სადაზღვევო კომპანია „ალდაგიდან“ აცნობეს, ღონისძიების მხარდამჭერია მათი კომპანია.

ყოველწლიური კონფერენციის მიზანს ფერმერებისა და თხილის სექტორში დასაქმებული პირებიისთვის თხილის მწარმოებელთა ასოციაციის მუშაობისა და სამომავლო გეგმების გაცნობა წარმოადგენს. ღონისძიებაზე ასევე თხილის სფეროში, მსოფლიო ბაზარზე არსებულ მდგომარეობასა და სხვა მნიშვნელოვან საკითხებს განიხილავენ.

კონფერენციას დაესწრება ასოციაციის წევრი 300 ლიდერი ფერმერი, რომლებიც წარმოადგენენ ფერმერთა 150 სხვადასხვა ჯგუფს თხილის მწარმოებელი რეგიონებიდან. მათ საშუალება მიეცემათ გაეცნონ უახლეს ინფორმაციებს თხილის დარგში არსებულ ისეთ აქტუალურ საკითხებთან დაკავშირებით, როგორიცაა მავნებლებთან ბრძოლა, ნიადაგის განოყიერება, შეღავათიანი ფინანსური პროდუქტები, აგროდაზღვევა და სხვა.

აგროდაზღვევის სახელმწიფო პროგრამა 2014 წლის 1-ლი სექტემბრიდან ამოქმედდა და მიზნად ისახავს აგროსექტორში სადაზღვევო ბაზრის განვითარებას, სასოფლო-სამეურნეო საქმიანობის ხელშეწყობას, აღნიშნული საქმიანობით დაკავებული პირებისთვის შემოსავლის შენარჩუნებას და რისკების შემცირებას. დღეისთვის აგროდაზღვევის პროექტის ფარგლებში: გაცემულია 81,453 პოლისი, დაზღვეული ფართობი შეადგენს 71,413 ჰექტარს. ჯამში დაიზღვა 551,366,395 ლარის მოსავალი. ფერმერების მიერ დაზღვევის მომსახურებაში გადასახდელი თანხიდან სახელმწიფომ 33,854,463 ლარის სუბსიდირება მოახდინა. 2014-2018 წლის განმავლობაში ანაზღაურებულმა ზარალმა 35,128,721 მლნ. ლარი შეადგინა.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს