ეკა ბესელია ზარდიაშვილზე - როცა ვინმე, როგორც იურისტი, რანგით და კვალიფიკაციით არც ერთ კლასში და კურსზე არ არის, ნაკლებად შეუძლია შეაფასოს ასეთი პროექტები

როცა არც ერთ კლასში არაა და არც ერთ კურსზე არ არის თავისი რანგით თუ კვალიფიკაციით, როგორც იურისტი, ნაკლებად შეუძლია შეაფასოს ასეთი პროექტები, - ასე პასუხობს საპარლამენტო უმრავლესობის წევრი ეკა ბესელია თანაგუნდელის, ვანო ზარდიაშვილის განცხადებას.

ეკა ბესელიას თქმით, საჭიროა მორატორიუმი, რათა მთელი სასამართლო სისტემა არ ჩაიკეტოს და არ მოხდეს ყველა მოსამართლის უვადოდ გამწესება, რათა აზრი არ დაკარგოს მართლმსაჯულების რეფორმამ.

"ვინც საუბრობს კლასებზე, კურსებზე და აფასებს, ვინ რომელ კურსზე უნდა იყოს ან ვინ რომელ კლასშია და რანგებს აანალიზებს, თვითონ უნდა იყოს რომელიმე კლასში. როცა არც ერთ კლასში არაა და არც ერთ კურსზე არ არის თავისი რანგით თუ კვალიფიკაციით, როგორც იურისტი, მათ ნაკლებად შეუძლიათ შეაფასონ ასეთი პროექტები.

იმდენად აღელდა იუსტიციის უმაღლესი საბჭო და იუსტიციის უმაღლესი საბჭოს ლობისტებიც ამ ცვლილებების გამო, ჩანს, რომ ჩვენ ზუსტად მივაგენით და მივედით იმ საკითხთან, რომლითაც უნდა მოხდეს დროებით პაუზა, შეჩერება, მორატორიუმი, რათა მთელი სასამართლო სისტემა არ ჩაიკეტოს და არ მოხდეს ყველა მოსამართლის უვადოდ გამწესება და აზრი რომ არ დაკარგოს მართლმსაჯულების რეფორმამ.

დღეს მოვისმინე განცხადება, ერთ-ერთი მოსამართლე ამბობდა, რომ იუსტიციის საბჭომ უნდა დანიშნოს საკუთარი წარმომადგენელი პარლამენტში. იუსტიციის საბჭოს უშტატოდ ისედაც ჰყავს ძალიან ბევრი წარმომადგენელი პარლამენტში და ჰყავს ლობისტები, რომლებიც სასამართლოს სახელით პირველ პირში, ლაპარაკობენ ხოლმე. ასე რომ, ისინი საკმარისზე მეტნი არიან.

მე მინდა მოვუწოდო ჩემს კოლეგებს, პარლამენტის წევრებს, რომ მათ დაიცვან საკანონმდებლო ორგანოს კონსტიტუციური სტატუსი, ჩვენს გადაწყვეტილებებში ნუ ჩაერევიან ისინი, ვისაც ამის უფლება არ აქვთ," - განაცხადა ეკა ბესელიამ.

ვანო ზარდიაშვილმა დღეს მოსამართლეების უვადოდ დანიშვნის შეჩერების შესახებ ეკა ბესელიასა და მისი თანამოაზრეების მიერ მომზადებულ საკანონმდებლო ინიციატივაზე საუბრისას განაცხადა, რომ „არც ერთი იურისტი, თუნდაც მეორე კლასელი ან პირველკურსელი, ამ პროექტს ხელს არ მოაწერდა, რადგან გასულია სამართლებრივი ჩარჩოებიდან“.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს