ახლობლის ინფორმაციით, ძმის შვილის მკვლელობაში ბრალდებულს აღენიშნებოდა ჰალუცინაცია და არაადეკვატური იყო

ბოლო პერიოდში ბრალდებულს აღენიშნებოდა ჰალუცინაცია, ის იყო არაადეკვატური, ვერ აცნობიერებდა არსებულ გარემოს, მას ჰქონდა მოჩვენებითი სამყაროს მიმართ მყარი მიდრეკილება. ის ამბობდა, რომ გარესამყაროსგან იღებდა აბსურდულ დავალებებს, - აცხადებს ძმის შვილის მკვლელობაში ბრალდებულის ახლობელი ამირან ჯანჯღავა.

მისივე თქმით, 13 წლის ბავშვი ბიძის, ვალერი ირემაძის მეურვეობის ქვეშ იმყოფებოდა.

„ბავშვი ბიძის მეურვეობის ქვეშ იმყოფებოდა. მას ძალიან დიდი ამაგი აქვს ბავშვის აღზრდაში. რომ არა შეურაცხადობა და გაუაზრებელი ქმედება, ეს შედეგი არ დადგებოდა", - აცხადებს ჯანჯღავა.

შეგახსენებთ, რომ გუშინ რუსთავში მკვლელობა მოხდა. მე-8 მიკრორაიონში ბიძამ 13 წლის ბავშვი მოკლა. მომხდარზე გამოძიება სისხლის სამართლის კოდექსის 108-ე მუხლით მიმდინარეობს.

პაატა ზაქარეიშვილი - რუსეთი ცხინვალის რეგიონში აქტიურობით ცდილობს აიძულოს საქართველო რაღაც ფორმით გადავიდეს მოსკოვთან დიალოგის ფორმატზე
ქართული პრესის მიმოხილვა 16.09.2019
მეთიუ ბრაიზა - დიდი პრობლემაა, რომ დონალდ ტრამპი ხშირად არც კი უსმენს მის მთავარ მრჩევლებს, რომლებიც ამბობენ - „ყურადღება მიაქციეთ საქართველოს“
დენიელ ფრიდი - ამერიკა არც „პროსააკაშვილურია“ და არც „პროივანიშვილური“, ჩვენ საქართველოს მხარეს ვართ
სუპერმარკეტების ქსელი „მაგნიტი“ გრანდიოზულ წამახალისებელ გათამაშებას იწყებს
გალფი ტურისტული ზონების დასუფთავების მასშტაბურ აქციას იწყებს