გეგმური სარეაბილიტაციო სამუშაოების გამო, 12 თებერვალს, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ „ენერგო-პრო ჯორჯია“-დან აცნობეს.
„ქსელის გეგმური სარეაბილიტაციო სამუშაოების გამო, 12 თებერვალს 11:00-დან 12:00 საათამდე ელექტროენერგიის მიწოდება შეეზღუდება აბონენტებს მცხეთის რაიონის სოფლებში ნიჩბისი, ხიდისყური, ძეგვი, მუხრანი და მიმდებარე სოფლებში, 12:00-დან 16:00 საათამდე დუშეთის რაიონის სოფლებში წითელსოფელი, აბანოსხევი, ქუბრიაანი, კოჭობის აგარაკები და მიმდებარე სოფლებში, 12:00-დან 18:00 საათამდე მცხეთის რაიონის სოფლებში ნაფეტვრები, ლისი, მუხათწყარო და მიმდებარე სოფლებში. სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში“, - ნათქვამია, „ენერგო-პრო ჯორჯიას“ მიერ გავრცელებულ ინფორმაციაში.