სტამბოლში სამხედრო ვერტმფრენის ჩამოვარდნის შედეგად ოთხი ადამიანი დაშავდა

სტამბოლში სამხედრო ვერტმფრენმა კატასტროფა განიცადა. ბოლო ინფორმაციით, დაშავდა 4 სამხედრო მოსამსახურე. ინფორმაციას სტამბოლის გუბერნატორი ალი ერლიქაია ავრცელებს. ამის შესახებ მან „ტვიტერის“ პირად გვერდზე დაწერა.

თურქული მედიის ინფორმაციით, სამხედრო ვერტმფრენი სტამბოლის ჩექმექეის რაიონში ჩამოვარდა, რომელიც სამრეწველო ზონაში იძულებით დაშვებას ახორციელებდა.

ყველა დაშავებული საავადმყოფოში გადაიყვანეს. სხვა დეტალების შესახებ ინფორმაცია არ ვრცელდება.