დონალდ ტრამპი - მექსიკის საზღვართან კედელი ნებისმიერ შემთხვევაში აშენდება

მექსიკის საზღვართან კედელი ნებისმიერ შემთხვევაში აშენდება, მიუხედავად იმისა, მიაღწევენ თუ არა „რესპუბლიკელები“ და „დემოკრატები“ შეთანხმებას კონგრესში, - ამის შესახებ აშშ-ს პრეზიდენტმა დონალდ ტრამპმა ტეხასის შტატში თავის მხარდამჭერებთან სიტყვით გამოსვლისას განაცხადა.

„კედელს ნებისმიერ შემთხვევაში ავაშენებთ. ამბობენ, რომ კონგრესში პროგრესს მიაღწიეს ამ საკითხზე მოლაპარაკებებში. მათ ვუთხარი, მოიცადეთ, ჩემს ხალხთან მივდივარ ტეხასში და არ მსურს ამაზე საუბარი. ასე რომ, არ ვიცი რას გულისხმობენ ამ პროგრესში. ვინ იცის, იქნებ კარგი ამბავიცაა“, - განაცხადა აშშ-ს პრეზიდენტმა.

გავრცელებული ინფორმაციით, კონგრესში „დემოკრატებისა“ და „რესპუბლიკელების“ წარმომადგენლებმა შეთანხმებას მიაღწიეს საზღვარზე უსაფრთხოების უზრუნველყოფის თვალსაზრისით, რაც საშუალებას იძლევა თავიდან იყოს აცილებული მორიგი „შათდაუნი“.

„ასოშიეიტედ პრესის“ ინფორმაციით, კანონმდებლები ბიუჯეტში აღნიშნული მიზნებისათვის 1.4 მილიარდი აშშ დოლარის გაწერაზე შეთანხმდნენ. თუმცა, ტრამპის ადმინისტრაცია 5.7 მილიარდ აშშ დოლარს ითხოვს. იმ შემთხვევაში თუ ტრამპი ხელს არ მოაწერს ბიუჯეტის ამ ვარიანტს, აშშ-ს კონგრესის ორივე პალატამ ხმათა 2/3 უნდა უზრუნველყოს ამ გადაწყვეტილების ასამოქმედებლად.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან