დიდუბის რაიონში, ხოშარაულის ქუჩაზე გუშინ დაჭრილი 43 წლის ქალის ჯანმრთელობის მდგომარეობა სტაბილურია.
როგორც „ინტერპესნიუსს“ ღუდუშაურის სახელობის კლინიკიდან აცნობეს, პაციენტი უკვე პალატაშია გადაყვანილი და მისი მდგომარეობა დამაკმაყოფილებელია. ექიმების განცხადებით, იგი ბინაზე უახლოეს დღეებში გაეწერება.
43 წლის ქალი ღუდუშაურის კლინიკაში გუშინ ზურგის არეში მიყენებული ჭრილობით შეიყვანეს. პაციენტს საოპერაციო ბლოკში ჭრილობა დაუმუშავდა და პოსტოპერაციულ განყოფილებაში მოათავსეს.
ახალგაზრდა ქალი, ყოფილმა მეუღლემ ცივი იარაღით დაჭრა. როგორც „ინტერპრესნიუსს“ შსს-ში განუცხადეს, მომხდართან დაკავშირებით გამოძიება სისხლის სამართლის კოდექსის 11.117-ე მუხლის პირველი ნაწილით მიმდინარეობს, რაც ჯანმრთელობის განზრახ მძიმედ დაზიანებას გულისხმობს. აღნიშნული დანაშაული 3-დან 6 წლამდე თავისუფლების აღკვეთას ითვალისწინებს.