სერგი კაპანაძე - ვენეციის კომისიის ექსპერტებთან ვისაუბრეთ პრობლემებზე ანგარიშვალდებულების არარსებობისა და ერთი ადამიანის მორჩილების მიმართულებით

„ევროპული საქართველოს“ წევრები ვენეციის კომისიის ექსპერტებს შეხვდნენ. ამის შესახებ „ინტერპრესნიუსს“ „ევროპული საქართველოდან“ აცნობეს.

მათივე ცნობით, როგორც ჟურნალისტებს პარლამენტის ვიცე-სპიკერმა, სერგი კაპანაძემ განუცხადა, ვენეციის კომისიის ექსპერტების ინტერესის მთავარი სფერო შინაგან საქმეთა სამინისტროსა და მთავარ პროკურატურაში გამოძიების წარმართვის თვალსაზრისით არსებული მდგომარეობაა.

"გვქონდა შეხვედრა ვენეციის კომისიის იურიდიულ ექსპერტებთან, რომელთა ინტერესის სფერო ამ შემთხვევაში არის შსს-სა და პროკურატურაში გამოძიების კუთხით არსებული მდგომარეობა. იმ ღრმა პრობლემებზე ვესაუბრეთ, რაც უწყებებში არსებობს. პრობლემები ნათლად გამოჩნდა ხორავას ქუჩაზე მომხდარ მკვლელობებთან დაკავშირებით. გამოწვევებზე, რაც დროებითი საგამოძიებო კომისიის მუშაობის დროს აღმოვაჩინეთ, ამ შეხვედრაზე დეტალური საუბარი გვქონდა. აქ იგულისხმება პრობლემები ანგარიშვალდებულების არარსებობის კუთხით, ასევე, ერთი ადამიანის მორჩილების მიმართულებით და ფუნქციების გამიჯვნის არარსებობის თვალსაზრისით. არის მოსაზრებები, რომ გამოძიების გამიჯვნის კუთხით რაღაც რეფორმა განხორციელდეს. მათ შორის, ჩვენს რეკომენდაციებშიც, რაც ხორავას ქუჩის საქმეზე გამოვეცით, იყო, რომ უნდა გაიმიჯნოს ფუნქციები პროკურატურასა და შსს-ს შორის", - განაცხადა კაპანაძემ.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 23.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
ქართული ყავის კომპანია „მეამა“-ს შენობა საერთაშორისო არქიტექტურული კონკურსის სამეულშია
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს