ზუგდიდის N6 საჯარო სკოლაში ჩატარებულ ინსპექტირებასთან დაკავშირებით დაწყებული გამოძიების ფარგლებში, ხვალ, 13 თებერვალს, ია კერზაიას შვილი ბაჩანა შენგელია გამოიკითხება.

როგორც „ინტერპრესნიუსს“ გენერალური პროკურატურიდან აცნობეს, ბაჩანა შენგელია გამოძიებამ პროკურატურაში დღეს დაიბარა, თუმცა მისივე თხოვნით, გამოკითხვა ხვალ 14:00 საათზე დაიწყება.

ზუგდიდის N6 საჯარო სკოლაში ჩატარებულ ინსპექტირებასთან დაკავშირებით გამოძიება უფლებამოსილების შესაძლო ბოროტად გამოყენების ფაქტზე, საქართველოს სისხლის სამართლის კოდექსის 332-ე მუხლის პირველი ნაწილით მიმდინარეობს.

იხილეთ ვიდეო: პროკურატურაში ია კერზაიას შვილი გამოიკითხება