განზრახ მკვლელობის მცდელობისა და დანაშაულის შეუტყობინებლობისთვის ბრალდებულები სასამართლომ დამნაშავედ ცნო

თბილისის საქალაქო სასამართლომ სრულად გაიზიარა ბრალდების მხარის მიერ წარდგენილი მტკიცებულებები და განზრახ მკვლელობის მცდელობისთვის ბრალდებული თ.ჯ. და განსაკუთრებით მძიმე დანაშაულის შეუტყობინებლობისთვის ბრალდებული ნ.თ. დამნაშავედ ცნო.

როგორც „ინტერპრესნიუსს“ საქართველოს გენერალური პროკურატურიდან აცნობეს, თ.ჯ. -ს სასჯელის სახედ და ზომად 8 წლით, ხოლო ნ.თ.-ს 2 წლით თავისუფლების აღკვეთა განესაზღვრა. მათივე ინფორმაციით, სასამართლო პროცესზე გამოკვლეული მტკიცებულებების შედეგად უტყუარად დადასტურდა, რომ 2018 წლის 25 ივნისს, თ.ჯ.-მ მის ნაცნობ - ი.ნ.-ს პირადი აუცილებლობისთვის, რამდენიმე საათით 250 ლარი ასესხა. დათქმული დროის გასვლის შემდეგ თ.ჯ. მობილური ტელეფონით არაერთხელ დაუკავშირდა ი.ნ.-ს და ვალის დაუყოვნებლივ დაბრუნება მოსთხოვა.

„ი.ნ.-მ, რომელიც თანხის დასაბრუნებლად გარკვეულ პერიოდს ითხოვდა, თ.ჯ.-ს შეაგინა, თ.ჯ. კი შურისძიების მოტივით, ი.ნ.-ს მოკვლის მიზნით იმავე დღეს, მეგობართან ნ.თ.-სთან ერთად, ავტომანქანით ი.ნ.-ს სახლთან მივიდა და უყვიროდა, რომ იგი დაბლა ჩასულიყო, რა დროსაც სიტყვიერ შეურაცხყოფას აყენებდა, აგინებდა და ემუქრებოდა, რომ „დაშტირავდა“. ვინაიდან თ.ჯ. არ ჩერდებოდა, ი.ნ. ეზოში ჩავიდა, რა დროსაც თ.ჯ.-მ, შურისძიების მოტივით, განზრახ მოკვლის მიზნით, მას დანით გულმკერდის არეში სიცოცხლისთვის სახიფათო დაზიანება მიაყენა, შემდეგ კი მეგობართან, ნ.თ.-სთან ერთად შემთხვევის ადგილი დატოვა და მიიმალა. სამედიცინო დახმარების აღმოჩენის შედეგად ი.ნ.-ს გადარჩენა მოხერხდა.

სასამართლო პროცესზე გამოკვლეული მტკიცებულებების შედეგად ასევე დადასტურდა, რომ ნ.თ.-მ ნამდვილად იცოდა, რომ თ.ჯ.-მ განსაკუთრებით მძიმე კატეგორიის დანაშაული ჩაიდინა, თუმცა მომხდარის შესახებ არ შეატყობინა სამართალდამცავ ორგანოს და შემთხვევის ადგილიდან მიიმალა.

სამართალდამცველებმა თ.ჯ. და ნ.თ. 2018 წლის 26 ივნისს ქ. თბილისში დააკავეს. თ.ჯ.-ს ბრალდება სისხლის სამართლის კოდექსის 19-108-ე მუხლით (განზრახ მკვლელობის მცდელობა), ხოლო ნ.თ.-ს 376-ე მუხლით (განსაკუთრებით მძიმე დანაშაულის შეუტყობინებლობა) წარედგინა. ორივე ბრალდებულს აღკვეთის ღონისძიების სახით პატიმრობა შეეფარდა“, - აღნიშნულია ინფორმაციაში.

სტრასბურგი და ხვალეო!..
ქართული პრესის მიმოხილვა 23.07.2019
ვიტალი ბალა - 2019 წლის არჩევნების შედეგად უკრაინაში არ შედგა პრორუსულ ძალთა რევანში და არ გამართლდა პრორუსულ ძალთა მოლოდინი
შს მინისტრის პირველი მოადგილე - 20 ივნისს შეუძლებელი იყო რომელიმე პოლიტიკოსის იქიდან გამორიდება, მასა იყო აგრესიული და შეტევაზე გადადიოდა
თბილისში სულხან-საბა ორბელიანის უნივერსიტეტის ახალი კამპუსის და საერთო საცხოვრებლის მშენებლობა მიმდინარეობს