თბილისის მერიამ საკრებულოსგან 62 800 მლნ ლარის სესხის აღებაზე თანხმობა მიიღო. სხდომაზე თბილისის მერის მოადგილემ ირაკლი ხმალაძემ განაცხადა, რომ თბილისის მიმდინარე წლის ბიუჯეტი ერთი მილიარდ 105 მლნ ლარის მოცულობის იქნება. მისივე თქმით, ამ მოცულობის ბიუჯეტი კი თბილისს არასდროს ჰქონია.
ხმალაძის განმარტებით, 2-3 თვეში მათ ექნებათ 105 მლნ ლარის ტრანსფერი ცენტრალური ბიუჯეტიდან. ამ თანხის მიღებამდე კი მერიას სურს დაგეგმილი ინფრასტრუქტურული პროექტების დროულად განსახორციელებლად 62 მლნ ლარზე მეტი მოცულობის საკრედიტო ხაზი გახსნას. ამდენად, საკრებულოს დღევანდელ სხდომაზე მერიამ კომერციული ბანკისგან სესხის ასაღებად თანხმობა საკრებულოსგან მიიღო.