თბილისის საკრებულომ მერიას EBRD-იდან 15 მლნ ევროს სესხის მიღებაზე თანხმობა მისცა. საკითხი საკრებულოს დღევანდელ სხდომაზე განსახილველად თბილისის მერიის საფინანსო საქალაქო სამსახურის უფროსმა გაიოზ თალაკვაძემ წარადგინა.
თალაკვაძის თქმით, 15 მლნ ევროს ოდენობით სესხი მოხმარდება „თბილსერვის ჯგუფის“ მიერ განსახორციელებულ ინიციატივებს. დაგეგმილია „თბილსერვის ჯგუფის“ ავტოპარკის განახლება. კერძოდ, 9 მლნ ევრო დაიხარჯება 63 ერთეული ნაგავშემკრები მანქანების შეძენისთვის, ასევე მოხდება 7 მექანიკური დამგველი მანქანის შეძენა, 1,300 მლნ ევრო - ნაგვის დასახარისხებელი სპეციალური სადგურის რეაბილიტაციას, 4 მლნ ევროზე მეტი - წყლის გამწმენდი ნაგებობის რეაბილიტაციას და ასე შემდეგ.