მსჯავრდებული შოთა შანიძე, რომელმაც #9 სასჯელაღსრულების დაწესებულებაში თვითმკვლელობა სცადა, კვლავ უგონო მდგომარეობაშია.
შანიძე ამ დრომდე ინგოროყვას კლინიკაში, რეანიმაციულ განყოფილებაში მართვით სუნთქვაზე იმყოფება. მსჯავრდებულის დედის ინფორმაციით, შვილის სანახავად რეანიმაციაში ვერ შედის, რადგან სპეციალური ნებართვა არ აქვს.
მისი თქმით, მისი შვილის თვითმკვლელობის მცდელობასთან დაკავშირებით გარკევული ეჭვები აქვს.
„უკვე გამიჩნდა ეჭვები. შოთა არ იღებდა მედიკამენტებს, არ ჰქონდა ფსიქოლოგიური პრობლემები, ვარჯიშობდა და ჰქონდა მიზანი, რომ მისი უდანაშაულობა დაემტკიცებინა“, - განაცხადა ნატო შანიძემ.
მსჯავრდებულის სასამართლო პროცესი ქუთაისის სააპელაციო სასამართლოში 22 თებერვალსაა ჩანიშნული. ადვოკატის ინფორმაციით, თუ შანიძის ჯანმრთელობის მდგომარეობა არ გაუმჯობესდა, პროცესის გადადებას მოითხოვენ.