ხილიანზე საცხოვრებელ სახლში გაჩენილი ხანძრის ძირითადი კერები ამ დროისთვის ლოკალიზებულია.როგორც „ინტერპრესნიუსს“ საგანგებო სიტუაციების მართვის სამსახურის მეხანძრე-მაშველებმა ადგილზე განუცხადეს, ამ ეტაპზე ძირითადი საფრთხეები მოხსნილია და არ არსებობს ხელახალი აალების ან სხვა სახლებზე გადასვლის საშიშროება. ადგილზე მობილიზებული სასწრაფო დახმარების ექიმების განცხადებით კი, ხანძრის შედეგად არავინ დაშავებულა.

ტერიტორიაზე ასევე იმყოფება საბურთალოს რაიონის გამგებელი, რომლის განცხადებითაც, საჭიროების შემთხვევაში გამგეობა დაზარალებულებს შესაბამის დახმარებას გაუწევს.

ადგილზე მუშაობენ ექსპერტ-კრიმინალისტები.