ბახტრიონზე #42 მუნიციპალური ავტობუსი კერძო მიკროავტობუსს შეეჯახა

ბახტრიონის ქუჩაზე #42 მუნიციპალური ავტობუსი კერძო მიკროავტობუსს შეეჯახა. შემთხვევის შედეგად მცირეწლოვანმა მგზავრმა მცირე დაზიანებები მიიღო და მას სამედიცინო დახმარება არ დასჭირვებია.

როგორც „ინტერპრესნიუსს“ ავტობუსის მძღოლმა განუცხადა, მიკროავტობუსი გზაზე იყო გაჩერებული და აწეული ჰქონდა საბარგულის კარი, რომელიც დროულად ვერ შეამჩნია, ხოლო დანახვისას მანევრირება ვერ მოასწრო, რამაც შეჯახება გამოიწვია.

ადგილზე მობილიზებულია პოლიცია. მომხდარის გამო დროებით შეფერხებულია საავტომობილო მოძრაობა.

იხილეთ ვიდეო: ბახტრიონის ქუჩაზე მუნიციპალური ავტობუსი კერძო მიკროავტობუსს შეეჯახა