ბელგიის საჰაერო მოძრაობის მართვის სამსახური საჰაერო სივრცის 24-საათის განმავლობაში დახურვის შესახებ იუწყება, რაც 13 თებერვლის საყოველთაო ეროვნულ გაფიცვას უკავშირდება. ამის შესახებ „Le Soir“ იუწყება. საჰაერო სივრცე 12 თებერვლის 22:00 საათიდან 13 თებერვლის 22:00 საათამდე დაიკეტება.
გასულ კვირას, ბელგიის უმსხვილესმა ავიაკომპანია „Brussels Airlines“-მა გაფრთხილება გაავრცელა, რომ 13 თებერვალს ქვეყანაში დაგეგმილ გაფიცვასთან დაკავშირებით ყველა რეისი გაუქმდება. ქვეყნის პროფკავშირები ხელფასის მომატებას, დასვენების დროის გახანგრძლივებასა და პენსიების მატებას მოითხოვს. მოსალოდნელია, რომ გაფიცვა შეეხება საზოგადოების, რკინიგზის, საზღვაო და საჰაერო ტრანსპორტის დიდ ნაწილს. ასევე ცნობილია, რომ ოთხშაბათს ბრიუსელში ნატოს წევრი ქვეყნების თავდაცვის მინისტრების ორდღიანი სამიტი იწყება.