პარლამენტის პლენარული სხდომების პირდაპირი ტრანსლაციის სურდო თარგმანით გადაცემა იგეგმება

გაერო-ს განვითარების პროგრამის მხარდაჭერით, პარლამენტის სასწავლო ცენტრში პარლამენტის აპარატის და სახელმწიფო დაცვის სპეციალური სამსახურის თანამშრომლებისთვის ჟესტური ენის და დაქტილის შესასწავლი ტრენინგი ჩატარდა.

როგორც „ინტერპრესნიუსს“ საქართველოს პარლამენტიდან აცნობეს, სასწავლო კურსის მონაწილეებს პარლამენტის აპარატის უფროსი მიესალმა და ტრენინგით გათვალისწინებული თემების მნიშვნელობაზე ისაუბრა.

„პარლამენტი ერთ-ერთი პირველი სახელმწიფო უწყებაა, სადაც ჟესტური ენის და დაქტილოლოგიის შესწავლის პროცესი იწყება. ძალიან გვეიმედება, რომ ეს პროცესი მოგვცემს შესაძლებლობას, რომ კიდევ უფრო გავზარდოთ ხელმისაწვდომობა და შეზღუდული შესაძლებლობის მქონე პირთა ჩართულობა იმ პროცესებზე, რაც საქართველოს პარლამენტში მიმდინარეობს და მომავალშიც იქნება. ჩვენი მიზანია თითოეული მოქალაქისთვის პარლამენტი არამხოლოდ ინფრასტრუქტურულად გახდეს ხელმისაწვდომი, არამედ მათთვის გარკვეული ინფორმაციის მიღებაც შესაძლებელი იყოს“, - განაცხადა გივი მიქანაძემ.

პარლამენტის აპარატის უფროსმა გაერო-ს განვითარების პროგრამის კონკრეტული მიმართულებების ხელმძღვანელებს მადლობა გადაუხადა იმ დახმარებისთვის, რაც მათი მხრიდან პარლამენტის მიერ გამოთქმულ ინიციატივას მოყვა. გივი მიქანაძის ინფორმაციით, პარლამენტის ინიციატივა ორ მიმართულებას მოიცავდა და იგი შეეხებოდა როგორც პერსონალის გადამზადებას, ასევე „მწვანე პარლამენტის“ კონცეფციის დანერგვას და ექსპერტულ დახმარებას.

ტრენინგის გახსნით ნაწილში პარლამენტის აპარატის უფროსმა კიდევ ერთი სიახლის დანერგვის თაობაზე ისაუბრა, რომელიც საკანონმდებლო ორგანოში უახლოეს პერიოდში ამოქმედდება.

„პარლამენტის თავმჯდომარესთან შეთანხმებით გადავწყვიტეთ, რომ უახლოეს პერიოდში პარლამენტის პლენარული სხდომების პირდაპირი ტრანსლაცია სურდო თარგმანით გადაიცემა. ეს იქნება კიდევ ერთი წინ გადადგმული ნაბიჯი, რათა უფრო მეტი აუდიტორია მოვიცვათ და ადამიანებს შესაძლებლობა მივცეთ გაეცნონ პარლამენტში მიმდინარე პროცესებს“, - განაცხადა გივი მიქანაძემ.

რასიმ მუსაბეკოვი  -  ის, რასაც პოსტსაბჭოთა სივრცეში სეპარატისტული „ბარდაკი“ ჰქვია, უნდა დასრულდეს
სტეპან გრიგორიანი - თუ აზერბაიჯანულ-სომხურ დაპირისპირებაში  თურქეთი ჩაერევა, ასეთ შემთხვევაში ამ პროცესში რუსეთიც ჩაერთვება
ქართული პრესის მიმოხილვა 30.09.2020
გიორგი მელიქიძე - საპენსიო სააგენტოს საინვესტიციო საქმიანობის შედეგი გამოიხატება მონაწილეებისათვის ადეკვატური პენსიით
წარმოების სრული ავტომატიზაცია - „გზაჯვარედინისა“ და BDO-ს პარტნიორობის წარმატებული ქეისი
ფინკა ბანკის მმართველ გუნდს ირაკლი ელაშვილი უხელმძღვანელებს
ჰიუნდაი ავტო საქართველო საშემოდგომო ფასდაკლებების აქციას იწყებს
"მადლიერების ჩიტი" ბატონ ჯემალ ჭკუასელს
Jeep-ის ცენტრში დიდი ფასდაკლების აქცია დაიწყო
შეუდარებელი QLED 8K ტელევიზორი სამსუნგისგან