მინდა გაცნობოთ, რომ აშშ-ს კონგრესს წარედგინა რეზოლუცია. ეს არის ძალიან მნიშვნელოვანი მხარდაჭერა ჩვენი მეგობრების მხრიდან, რომელშიც დაგმობილია სირიის რეჟიმის მიერ საქართველოს რეგიონების - აფხაზეთისა და ცხინვალის რეგიონების დამოუკიდებლობის აღიარება, - ამის შესახებ საქართველოს პრემიერ-მინისტრმა მამუკა ბახტაძემ მთავრობის სხდომის დაწყებამდე პრესკონფერენციაზე განაცხადა.

მთავრობის მეთაურის განმარტებით, რეზოლუციაში ძალიან მნიშვნელოვანი მხარდამჭერი განცხადებებია, სადაც ხაზგასმულია მტკიცე მხარდაჭერა საქართველოს სუვერენიტეტისა და ტერიტორიული მთლიანობისადმი, ასევე იმ ძალიან მნიშვნელოვან პროგრესთან დაკავშირებით.

„დაგმობილია რუსეთის მიერ ჩვენი ისტორიული რეგიონების ოკუპაცია. თუ დააკვირდებით ბოლო თვეების დინამიკას, ჩვენ ძალიან მნიშვნელოვან და ძლიერ მხარდაჭერის მესიჯებს ვიღებთ ჩვენი მხარდამჭერებისგან. მინდა, განსაკუთრებული მადლობა გადავუხადო მათ ამ ძალიან მნიშვნელოვანი მხარდაჭერისთვის. უმნიშვნელოვანესია, აშშ-ს საკანონმდებლო აქტებში მსგავსი ჩანაწრების არსებობა, ვინაიდან ეს არის ამავე დროს ძალიან მნიშვნელოვანი, ძლიერი გზავნილი. მათ შორის, ეს არის ძალიან მნიშვნელოვანი მხარდაჭერის აქტი, რომ ჩვენ გაგვიადვილდეს საუბარი ბევრ ორგანიზაციასთან. კიდევ ერთხელ მსურს, განსაკუთრებული მადლობა გადავუხადო ჩვენს ამერიკელ მეგობრებს ამ ძალიან მნიშვნელოვანი მხარდაჭერისთვის“, - განაცხადა მამუკა ბახტაძემ.