ბაჩანა შენგელიას ადვოკატი - წარმოვადგინეთ უტყუარი მტკიცებულებები, რომლებიც ადასტურებენ, რომ კონკრეტული თანამდებობის პირების მხრიდან ადგილი ჰქონდა დანაშაულის ჩადენას

პროკურატურაში წარმოდგენილ მასალებში საუბარია სამოხელეო დანაშაულზე. ეს ვლინდება როგორც კონკრეტულად განათლების მინისტრის მხრიდან, ასევე შესაბამისი სამსახურების ხელმძღვანელების მხრიდან, - ამის შესახებ ზუგდიდის მე-6 საჯარო სკოლის ყოფილი დირექტორის ია კერზაიას საქმეზე ბაჩანა შენგელიას ადვოკატმა, ლევან მახარაშვილმა განაცხადა.

იურისტის მტკიცებით, მათ დანაშაულის შემცველი ქმედებების დამადასტურებელი დოკუმენტაცია ორი თვეა რაც გააჩნიათ, თუმცა პროკურატურა დღემდე ამ მასალებით არ დაინტერესებულა.

„მტკიცებულებები ჩვენ უკვე ორი თვეა გვაქვს და ვითხოვდით გამოძიების დაწყებას. როგორც იქნა დაიწყეს გამოძიება. ჩვენს მიერ მიწოდებული მასალის შეფასება უკვე გამოძიების საქმეა. ჩვენ წარმოვადგინეთ უტყუარი მტკიცებულებები, რომლებიც ადასტურებენ, რომ კონკრეტული თანამდებობის პირების მხრიდან ადგილი ჰქონდა დანაშაულის ჩადენას.

აქ საუბარია სამოხელეო დანაშაულზე. ეს ვლინდება როგორც კონკრეტულად განათლების მინისტრის მხრიდან, ასევე შესაბამისი სამსახურების ხელმძღვანელების მხრიდან, ვინც უკანონოდ, კანონის მოთხოვნათა დარღვევით ჩაატარეს ინსპექტირება.

აქ არის როგორც დოკუმენტური მტკიცებულებები, ასევე პირების ახსნა- განმარტებები", - განაცხადა ლევან მახარაშვილმა.

ზუგდიდის მე-6 საჯარო სკოლაში ჩატარებულ ინსპექტირებასთან დაკავშირებით დაწყებული გამოძიების ფარგლებში, გენერალურ პროკურატურაში მოწმის სახით ია კერზაიას შვილის, ბაჩანა შენგელიას გამოიკითხვა მიმდინარეობს.

გამოძიება უფლებამოსილების შესაძლო ბოროტად გამოყენების ფაქტზე, საქართველოს სისხლის სამართლის კოდექსის 332-ე მუხლის პირველი ნაწილით მიმდინარეობს.

რამაზ საყვარელიძე - ჩვენი საზოგადოების პრობლემა ისაა, რომ მან ახალი ამბიციური და ბრძოლისუნარიანი პოლიტიკური ძალა, ჯერჯერობით, ვერ წარმოშვა
ქართული პრესის მიმოხილვა 18.01.2020
ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
თენგიზ ცერცვაძე - სიმართლე საქართველოს C ჰეპატიტის ელიმინაციის პროგრამის შესახებ
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა