ქერჩის სრუტეში ვითარებასთან დაკავშირებით, რუსეთისთვის ევროკავშირის მიერ სანქციების დაწესება ვაშინგტონის მძლავრი ზეწოლის ქვეშ ხდება, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.
„დიდი ხნის წინ განვაცხადეთ, რომ სანქციებს არავისთან განვიხილავთ. გვსურს ჩვენი ეკონომიკის განვითარება, ვაჭრობის წარმოება, რათა სხვის ახირებაზე არ ვიყოთ დამოკიდებული“, - განაცხადა რუსეთის საგარეო საქმეთა მინისტრმა.
სერგეი ლავროვმა ასევე აღნიშნა, რომ ევროპელმა პარტნიორებმა ვერ აიძულეს პეტრო პოროშენკო, მინსკის შეთანხმებები შეესრულებინა.
„ვინაიდან თავიანთ კლიენტებს ვერ მართავენ, რამე უნდა მოემოქმედათ და წამოვიდა სანქციების მორიგი პაკეტი“, - აღნიშნა რუსეთის საგარეო უწყების ხელმძღვანელმა.
მისივე თქმით, „აღნიშნული სანქციების მიღება აშშ-ს მძლავრი ზეწოლის ქვეშ ხდება, რაც კიდევ ერთხელ ცხადყოფს ევროპის არადამოუკიდებლობაზე“.