ზაზა სარალიძე - კითხვებზე პასუხის მიღების იმედი რომ არ მქონდეს, პროკურატურაში შეხვედრაზე არ მოვიდოდი

კითხვებზე პასუხის მიღების იმედი რომ არ მქონდეს, არ მოვიდოდი დღევანდელ შეხვედრაზე, - ამის შესახებ ხორავას ქუჩაზე მოკლული მოზარდის, დავით სარალიძის მამამ ზაზა სარალიძემ პროკურატურაში შესვლამდე განაცხადა.

ზაზა სარალიძის თქმით, მას აქვს არაერთი კითხვა, რომელსაც პროკურატურაში შესვლამდე არ გაასაჯაროებს.

„მე მაქვს არაერთი კითხვა. ასევე კითხვები მაქვს გუშინდელ პროცესთან დაკავშირებით. დღეს, სავარაუდოდ, გენერალურ პროკურორთან ერთად იმ საქმის პროკურორები უნდა იყვნენ წარმოდგენილი, რომლებსაც საქმე სასამართლოში აქვთ წარდგენილი. კითხვებს წინასწარ არ ვიტყვი და აუცილებლად მოვითხოვ პასუხებს.

გამოძიებამ არ გასცა კითხვებს პასუხი მთელი ამ ხნის განმავლობაში. გამოძიება ხელს აფარებს მიხეილ კალანდიათი დაწყებული ყველა საქმის პროკურორს და გამომძიებელს“, - განაცხადა ზაზა სარალიძემ.

ზაზა სარალიძე საგამოძიებო უწყებაში გენერალურ პროკურორთან, ასევე მისი და მისი შვილის საქმის პროკურორებთან შეხვედრაზე შევიდა. სარალიძესთან ერთად გენერალურ პროკურატურაში მისი ადვოკატები ნესტან ლონდარიძე და ალეკო ცქიტიშვილი შევიდნენ.

თორნიკე შარაშენიძე  - „ოცნებას“ სურს ხელისუფლებაში მესამე ვადითაც დარჩენა და ამისთვის სიტუაციას ამზადებს
ქართული პრესის მიმოხილვა 17.08.2019
მიხეილ უკლება - ანაკლიის პროექტის განსახორციელებლად დიდი მნიშვნელობა აქვს, როგორ დაბალანსდება შავი ზღვის რეგიონში გლობალური და რეგიონალური მოთამაშეების ინტერესები
კომპანიამ Aviabiletebi.org მობილური აპლიკაცია ანდროიდის სისტემაზეც განაახლა
SS.ge-ში გუგლის სერვისების ინტეგრაცია მოხდა
Cushman and Wakefield Georgia-ს კვლევის მიხედვით "გალერია თბილისი" თბილისის საუკეთესო სავაჭრო ცენტრად დასახელდა
საერთაშორისო სარეიტინგო კომპანია Scope Ratings-მა სს „ნიკორას“  BB- რეიტინგი მიანიჭა, სს „ნიკორა ტრეიდს“ B+ რეიტინგი დაუდასტურა