ყირიმის რუსეთის შემადგენლობაში შესვლის საკითხი დახურულია და აშშ-ს სანქციების მოხსნის სანაცვლოდ მისი უკრაინისათვის დაბრუნებაზე საუბარი არც კი შეიძლება შედგეს, - ამის შესახებ რუსეთის პარლამენტის საერთაშორისო საქმეთა კომიტეტის თავმჯდომარემ ლეონიდ სლუცკიმ განაცხადა.

„ყირიმის ტერიტორიული კუთვნილების საკითხი დახურულია. ნახევარკუნძულის უკრაინისათვის აშშ-ს სანქციების მოხსნის სანაცვლოდ დაბრუნებაზე საუბარი არც კი შეიძლება იყოს“, - განაცხადა რუსმა პარლამენტარმა.

შეგახსენებთ, რომ გაერო-ს უშიშროების საბჭოს სხდომაზე აშშ-ს წარმომადგენელმა კოენმა განაცხადა, რომ აშშ მანამ დატოვებს ძალაში რუსეთის წინააღმდეგ დაწესებულ სანქციებს, ვიდრე კიევი ყირიმზე და დონბასზე კონტროლს არ აღადგენს.

„ყირიმი ვაჭრობის საგანი არ არის. 2014 წელს ყირიმელებმა რეფერენდუმის საფუძველზე მიიღეს გადაწყვეტილება სამშობლოში, რუსეთის შემადგენლობაში დაბრუნების თაობაზე“, - დასძინა სლუცკიმ.