ქეთევან ციხელაშვილი - საუბედუროდ, საოკუპაციო რეჟიმი აგრძელებს იმ მახინჯ პრაქტიკას, რაც ადამიანების უკანონო დაკავებას უკავშირდება

საუბედუროდ, ადამიანების დაკავება არის საოკუპაციო პოლიტიკის ნაწილი, რაც მუდმივად, გარკვეული პერიოდულობით ამგვარი თუ სხვა პროვოკაციული ქმედებების განხორციელებით, ზეწოლას ახდენს მოსახლეობაზე, - ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა განმუხურში, საოკუპაციო ძალების მიერ ორი მამაკაცის გატაცების კომენტირებისას განაცხადა.

მისივე თქმით, არაერთი ინფორმაცია არსებობს, მათ შორის საოკუპაციო ძალების წყაროებით, სადაც „ცინიკურად არის აღნიშნული, რომ დაკავებულთა 80-90% არის ოკუპირებულ ტერიტორიაზე მცხოვრები ადამიანი, როგორც ქართველი, ისე ოსი და აფხაზი“.

„სამწუხაროდ და საუბედუროდ, საოკუპაციო რეჟიმი აგრძელებს იმ მახინჯ პრაქტიკას, რაც უკავშირდება ადამიანების უკანონო დაკავებას. ამჯერად განმუხურიდან ადამიანების დაკავება მოხდა. დასტურდება ინფორმაცია, რომ დაკავებულია ორი მამაკაცი. ამ ეტაპზე ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია და რა თქმა უნდა, ეს ინსტრუმენტები იმისთვის არის ამოქმედებული, რომ დროულად მოხდეს მათი გათავისუფლება.

ჩვენი ქმედება პირველ რიგში ის არის, რომ ავამოქმედოთ ცხელი ხაზი და მეორე არის, რომ მივცეთ სამართლებრივი და პოლიტიკური შეფასება. ეს არის ყველა შემთხვევაში გაუმართლებელი, უკანონო, მიუღებელი მოქმედება და ამასთან დაკავშირებით საერთაშორისო თანამეგობრობასთანაც გვაქვს კომუნიკაცია“, - განაცხადა ციხელაშვილმა.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 21.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?
გერმანიის ფრეზენიუსის ინსტიტუტის ლაბორატორიის  დასკვნით მარნეულის სასურსათო ქარხნის წარმოების ტრადიციულ წითელ ტყემალში სუდანის ჯგუფის საღებავები არ აღმოჩნდა (R)
„ვისოლმა“ თვითმომსახურების პირველი ავტოგასამართი სადგური გახსნა
"ჩიპოლინო" – ევროპული საბავშვო აქსესუარები "ავერსის" ქსელში
დღეიდან, ლიბერთის ბარათით Apple Pay-ს საშუალებით გადახდისას ლიბერთის მომხმარებელი 5%-იან ქეშბექს მიიღებს
"ბაზისბანკის" შვილობილი კომპანია „ბი ეიჩ ელ ლიზინგი’’ მომხმარებელს ბაზარზე საუკეთესო პირობებს სთავაზობს