ანა დოლიძე - თეა წულუკიანს უნდა, სასამართლოში არსებული პრობლემები ლევან მურუსიძესთან ყავის სმით მოაგვაროს, რაც არ გამოვა

თეა წულუკიანს უნდა, სასამართლოში არსებული პრობლემები ლევან მურუსიძესთან ყავის სმით მოაგვაროს, რაც არ გამოვა, - ამის შესახებ იუსტიციის უმაღლესი საბჭოს არამოსამართლე წევრმა, ანა დოლიძემ „ინტერპრესნიუსს“ განუცხადა.

ანა დოლიძე გამოეხმაურა იუსტიციის მინისტრის განცხადებას, რომლის თანახმად, ყველა დაინტერესებულმა პირმა უნდა გააგრძელოს შეხვედრები სამუშაო ჯგუფში, რათა უვადოდ დასანიშნი მოსამართლეების კრიტერიუმები გაიწეროს. ანა დოლიძის განმარტებით, ამ საკითხის შებრუნება მხოლოდ იუსტიციის საბჭოში აღარ გამოვა და ის უკვე საერთო მსჯელობის საგანია, რაც შესაძლოა, წულუკიანს არ აწყობდეს.

„ჯინი უკვე ამოსულია ბოთლიდან ანუ ეს ნიშნავს იმას, რომ ეს საკითხი უკვე აღარ არის ერთი პატარა ჯგუფის კუთვნილება, როგორც იყო მანამდე. ის არის საერთო, ეროვნული მნიშვნელობის საკითხი. ეს შესაძლოა, ძალიან არ გაუხარდეს თეა წულუკიანს იმიტომ, რომ ის სრულიად იზიარებს პასუხისმგებლობას იმ პრობლემებზე, რომელიც დღემდე არის შექმნილი. სწორედ, იუსტიციის სამინისტროს მიერ დაწერილი კანონებით მოახდინა ძალაუფლების კონცენტრაცია იუსტიციის საბჭოში მოსამართლეების ჯგუფმა ანუ. თეა წულუკიანს ძალიან არ უნდა, რომ ახლა ეს საზოგადოებრივი მსჯელობის საგანი იყოს იმიტომ, რომ მას ერთ-ერთი მთავარი წვლილი აქვს იმაში, რა სიტუაციაც დღეს გვაქვს - ზურაბ ადეიშვილის ეს ნარჩენები რომ არიან გამაგრებულები სასამართლო სისტემაში. ამ საკითხის შებრუნება ახლა, ბოჭორმის 12 ნომერში აღარ გამოვა. ეს ჯინი უკვე გამოსულია და ყველა, ექიმით დაწყებული და მასწავლებლით დამთავრებული ლაპარაკობს ლევან მურუსიძეზე და მიხეილ ჩინჩალაძეზე ანუ ახლა, მარტო ძალიან სერიოზული პოლიტიკური ნაბიჯებით და არა კაბინეტში ყავის სმით მოხდება ამ თემების გადაწყვეტა“, - განცხადა ანა დოლიძემ.

რაც შეეხება სამუშაო ჯგუფის შეკრებას, რომელმაც უვადოდ დასანიშნი მოსამართლეებისთვის შესაბამისი კრიტერიუმები და პროცედურები უნდა შეიმუშავოს, ანა დოლიძის თქმით, შესაძლოა, თეა წულუკიანს ამ ჯგუფის შეკრება „ძალიან უნდოდეს, თუმცა ეს ლევან მურუსიძესთან ყავის სმით არ გამოვა“.

„ალბათ, ძალიან უნდა, რომ შეიკრიბოს. გია ვოლსკიც საუბრობდა, რომ გვინდა კრიტერიუმები გაიწეროსო. ჩვენ და მთელმა ოპოზიციამ ვთქვით, რომ დავბრუნდებით, თუ იქნება რაღაც პროცედურა, თუმცა ის არა, რომ შევიკრიბოთ სასტუმროებში და ყავა დავლიოთ ლევან მურუსიძესთან და მერე ირაკლი კობახიძემ მაინც თავის კანონები დაწეროს“, - განაცხადა ანა დოლიძემ.

ვაჟა ბერიძე - შეთანხმების ხელმოწერის ფაქტს პოლიტიკური თვალსაზრისით ერთი დამარცხებული ჰყავს, ესაა მიხეილ სააკაშვილი. მომხდარმა აჩვენა, რომ სააკაშვილი ოპოზიციას ვერ აკონტროლებს
ქართული პრესის მიმოხილვა 19.04.2021
ზაალ ანჯაფარიძე - ოპოზიციის მიერ დანიელსონის დოკუმენტის რევიზიის მცდელობა მათი კიდევ ერთი უგუნური შეცდომა იქნება, ამ შემთხვევაში, ოპოზიციას დასავლეთის მხარდაჭერის იმედი ნაკლებად შეიძლება ჰქონდეს
დეველოპერულმა კომპანია "გრადამ" და ფინურმა კომპანია Kone Elevators-მა ურთიერთთანამშრომლობის მემორანდუმს ხელი მოაწერეს
"ევექსი კლინიკებმა" კოვიდგადატანილი პაციენტებისთვის პოსტ-კოვიდ მხარდაჭერის პროგრამა დაიწყო
საოკუპაციო ხაზთან მდებარე სოფელ ნიქოზში პირველი აფთიაქი - "ფარმადეპო" გაიხსნა
„ემბისიმ“ უმსხვილესი შვეიცარული კომპანია Symbiotics-სგან 1,5 მლნ ფინანსური რესურსი მოიზიდა