ზაზა სარალიძე - ფაქტობრივად არაფერია შეცვლილი მთავარ პროკურორთან წინა შეხვედრის შემდეგ

ფაქტობრივად არაფერია შეცვლილი წინა შეხვედრის შემდეგ, რადგან საქმის პროკურორები მაქსიმალურად ცდილობენ მიხეილ კალანდიას საქმიდან გაყვანას, - ამის შესახებ ხორავას ქუჩაზე მოკლული მოზარდის მამამ ზაზა სარალიძემ საგამოძიებო უწყების დატოვების შემდეგ ჟურნალისტებთან საუბრისას განაცხადა.

მისი თქმით, შეხვედრაზე ბევრი კითხვა დაისვა, თუმცა პასუხები ვერ მიიღო. "ბევრი კითხვა დაისვა, რომელზე პასუხიც ვერ მივიღე, იქიდან გამომდინარე რომ გენპროკურორთან არასწორი ინფორმაცია მიდის. შეხვედრას ესწრებოდნენ საქმის პროკურორებიც, რომელთაც კონკრეტული კითხვები დავუსვი, თუმცა მათგანაც ვერ მივიღე პასუხები. დანარჩენ რაღაცებზე შევთანხმდით. ჩვენ საუბარი მხოლოდ და მხოლოდ ხორავას ქუჩის საქმეზე გვქონდა. გამოყოფილი საქმის პროკურორი გაოცდა, რომ ეს ინფორმაცია, რაზეც თქვენ საუბრობთ, მე არ მაქვსო. კონკრეტულად გამოძიების ინტერესებიდან გამომდინარე არ ვიტყვი ინფორმაციას. ფაქტობრივად არაფერია შეცვლილი წინა შეხვედრის შემდეგ, რადგან საქმის პროკურორები მაქსიმალურად ცდილობენ მიხეილ კალანდიას საქმიდან გამოყვანას. მე ბრძოლას მანამდე გავაგრძელებ, ვიდრე ყველა არ დაისჯება. გამომძიებლების მიმართ სამსახურებრივ გადაცდომებზე მოკვლევა დაწყებულია და ვნახოთ რა შედეგს მივიღებთ. მე გენპროკურორს სააპელაციო სასამართლოს დასრულების შემდეგ შევხვდები", - აღნიშნა ზაზა სარალიძემ.

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
ქართული პრესის მიმოხილვა 23.09.2019
„სოფლად ცხოვრება, როგორც ტურისტული პროდუქტი” - რა იგეგმება ბათუმში 20-21 სექტემბერს?