ოთარ კახიძე ეკონომიკის მინისტრს - ამერიკელები  და იაპონელები  არიან მფლანგველები და თქვენ ხელმომჭირნეები?

რა საფუძველი გვაქვს ვიფიქროთ, რომ თქვენი მთავრობა უფრო ჭკვიანურად დააბანდებს ჩვენს ფულს საპენსიო ფონდიდან, ვიდრე დააბანდეს ინგლისელებმა, ამერიკელებმა, იაპონელებმა ან ლატვიელებმა?!, - აღნიშნული შეკითხვით ,,ევროპული საქართველოს" დეპუტატმა ოთარ კახიძემ ეკონომიკის მინისტრს მიმართა.

,,ამერიკამ, ინგლისმა ამ საპენსიო ფონდებში მილიარდობით დოლარის ზარალი ნახეს... თქვენ ხართ მთავრობა, რომელმაც ეკონომიკური ზრდის ტემპი ვერ შეინარჩუნეთ, ის ტემპი, რომელიც წინამორბედისგან გადმოგეცათ. საშუალო ეკონომიკური ზრდის ტემპი გაქვთ იმაზე დაბალი, ვიდრე თქვენს წინამორბედს ჰქონდა. ლარის კურსი ვერ შეინარჩუნეთ, ვერც სიღარიბის პრობლემა მოხსენით, ვერც ინვესტიციების მოზიდვის კუთხით ხართ მოწინავე ადგილას... აქედან გამომდინარე, რა საფუძველი გვაქვს ჩვენ, მოქალაქეებს, ვივარაუდოთ, რომ თქვენ უფრო ჭკვიანურად დააბანდებთ ჩვენს ფულს, რომელსაც აიღებთ, ვიდრე დააბანდეს ინგლისელებმა, ამერიკელებმა, იაპონელებმა ან ლატვიელებმა?!“, - მიმართა გიორგი ქობულიას ოთარ კახიძემ, რაზეც მინისტრმა უპასუხა, რომ თანხა, რომელიც საპენსიო ფონდში გროვდება, ნულოვანი რისკის მქონე ფასიან ქაღალდებში დაბანდდება.

,,საპენსიო დანაზოგების ინვესტირება ამ ფონდის პრინციპების მიხედვით მოხდება ყველაზე საიმედო ფასიან ქაღალდებში, ესაა ფასიანი ქაღალდები, რომელთა საიმედოობა არის პრაქტიკულად სუვერენულ დონეზე. ეს ნიშნავს, რომ ამ ფასიანი ქაღალდების გაუფასურების რისკი ნულის ტოლია. ამავე დროს ეს ფასიანი ქაღალდები ჩვენ მოგვცემს უფრო მეტ მოგებას, ვიდრე არის ინფლაცია, ამიტომ ფული არ გაუფასურდება. მეორე ეტაპზე თანხის 20%-ს დავაბანდებთ უცხოურ ფასიან ქაღალდებში, ასევე, ძალიან დაბალი რისკის მქონეში“, - განაცხადა კახიძის კითხვის პასუხად ქობალიამ.

,,ანუ საქართველოს მთავრობამ ისეთი მიგნება გააკეთა ამერიკელებმა და იაპონელებმა რომ არ იციან, ისინი არიან მფლანგველები და თქვენ ხელმომჭირნეები“, - უპასუხა მინისტრს ოპოზიციონერმა დეპუტატმა.

რამაზ საყვარელიძე - არც ხელისუფლება ჰგავს პოლიტიკის დიდოსტატს და არც ოპოზიცია, ამიტომ არც ისე იწვიმებს, როგორც ისმის რევოლუციის ჭექა-ქუხილი
ქართული პრესის მიმოხილვა 05.12.2019
ვაჟა ბერიძე - მთავარი არა საარჩევნო სისტემაა, არამედ ჩვენი სტრატეგიული პარტნიორების და მეზობლების დამოკიდებულება ქვეყანაში მიმდინარე პროცესებისადმი
სამოქალაქო ავიაციის საერთაშორისო ორგანიზაცია (იკაო) 75 წლისაა
ახალი შესაძლებლობა საცალოდ ვაჭრობის სფეროთი დაინტერესებულთათვის - საქართველოში ორმაგი აკრედიტაციის მქონე პროგრამა იწყება
„ჯიპიაი ჰოლდინგი“ ჰოსპიტალური ბიზნესიდან გადის
გრძელვადიანი ბიუჯეტი – თბილისის მასშტაბური პროექტების დაცვა მმართველობის ცვლილებებისგან
2020 წელს საქართველოში ნარკოტიკზე, ალკოჰოლსა და აზარტულ თამაშებზე დამოკიდებულთათვის პირველი სარეაბილიტაციო სტაციონარის გახსნა იგეგმება
ენერგეტიკის გამოფენა და კონფერენცია “გლობალური ენერგეტიკული ტრენდები“ "ექსპოჯორჯიაში" გაიმართება
„ლექსუსი“ 2020 წლისთვის ქართველ მომხმარებელს განახლებულ Lexus GX460-ს სთავაზობს
"ლიბერთის" თანადგომა ბავშვთა სარეაბილიტაციო ცენტრ - ,,რეჰაბს“