სოფიო ქაცარავა - რუმინეთის საგარეო საქმეთა მინისტრმა ხაზგასმით აღნიშნა, რომ საქართველო ევროკავშირისთვის განსაკუთრებული პარტნიორია

საგარეო ურთიერთობათა კომიტეტის თავმჯდომარემ, სოფიო ქაცარავამ და რუმინეთის პარლამენტთან მეგობრობის ჯგუფის წევრებმა, ვიზიტის ფარგლებში, რუმინეთის საგარეო საქმეთა მინისტრთან შეხვედრა გამართეს.

როგორც „ინტერპრესნიუსს“ საქართველოს პარლამენტიდან აცნობეს, შეხვედრისას, რუმინეთის საგარეო საქმეთა მინისტრმა კიდევ ერთხელ გამოხატა სრული მხარდაჭერა საქართველოს სუვერენიტეტისა და ტერიტორიული მთლიანობის მიმართ, ასევე აღნიშნა, რომ რუმინეთი მხარს უჭერს საქართველოს, ევროპულ და ევროატლანტიკურ სტრუქტურებში ინტეგრაციის გზაზე.

„რუმინეთის საგარეო საქმეთა მინისტრმა, კიდევ ერთხელ გამოხატა სრული მხარდაჭერა საქართველოს მიმართ და ხაზგასმით აღნიშნა, რომ საქართველო ევროკავშირისთვის არის განსაკუთრებული პარტნიორი“, - განაცხადა სოფიო ქაცარავამ.

შეხვედრაზე ყურადღება გამახვილდა ორ ქვეყანას შორის არსებულ წარმატებულ თანამშრომლობაზე, შავი ზღვის კონტექსტში თანამშრომლობის კიდევ უფრო გაძლიერებაზე და აღმოსავლეთ პარტნიორობასა და მის მნიშვნელობაზე.

ვალერი სოლოვეი - კრემლის ქმედებების მოაზროვნე გამმართლებლები, ვინც საქართველოს საქმეებში ჩახედულია, თვლიან, რომ რუსეთს აღარ შეუძლია საქართველოს  პოლიტიკაზე გავლენის მოხდენა
ქართული პრესის მიმოხილვა 22.08.2019
ვახტანგ ძაბირაძე -  შემოდგომა იქნება ოპოზიციურ ფლანგზე ძალების ჩამოყალიბების პროცესი, ამიტომ არ მაქვს მოლოდინი, რომ ცხელი შემოდგომა გვექნება
პრემიუმ ხარისხის მინების ყველაზე მსხვილი იმპორტიორი კომპანია „ჯეო გლასს“ საკუთარ მომხმარებლებს სიახლეს სთავაზობს
პროექტ „ბათუმი რივიერასთან“ დაკავშირებით „სილქროუდ ჯგუფი“ განცხადებას ავრცელებს