ბრაზილიასა და საქართველოს შორის დაახლოების დრო დადგა. ასე გამოეხმაურა ბრაზილიის ეროვნული კონგრესის წევრი და ბრაზილიის პრეზიდენტის შვილი ედუარდუ ბოლსონარუ ბრაზილიაში საქართველოს ელჩთან დავით სოლომონიასთან შეხვედრას.

“საქართველო ქვეყანაა, რომელიც ორი საუკუნის განმავლობაში მოსკოვის მმართველობის ქვეშ იყო, ვიდრე 1991 წელს დამოუკიდებლობა არ მოიპოვა. იმის გათვალისწინებით, რომ საქართველომ ამდენი გადაიტანა კომუნისტური ტირანიის პირობებში, დიდებულია უარის თქმა ამ საზიზღარ სისტემაზე”, - დაწერა ბრაზილიელმა დეპუტატმა “ფეისბუქის” პირად გვერდზე.

ედუარდუ ბოლსონარუმ ასევე ხაზგასმით აღნიშნა, რომ “საქართველო პირველი ევროპული ქვეყანა იყო, რომელმაც ვენესუელაში გარდამავალი მთავრობა აღიარა”.