ესპანეთის პრემიერმინისტრი პედრო სანჩესი 15 თებერვალს ვადამდელი საპარლამენტო არჩევნების ჩატარების თარიღს დაასახელებს. ამის შესახებ „El Pais“ იუწყება.

ვადამდელი არჩევნები ჩატარდება იმის გამო, რომ დღეს პარლამენტმა ხმა არ მისცა მთავრობის მიერ წარდგენილ 2019 წლის სახელმწიფო ბიუჯეტს. ბიუჯეტს მხარი არ დაუჭირა ორმა კატალონიურმა პარტიამ, რომლებიც ავტონომიის დამოუკიდებლობის მოთხოვნით გამოდიან.

ელოდებოდნენ, რომ პედრო სანჩესი არჩევნების შესახებ განცხადებას დღეს გააკეთებდა მას შემდეგ, რაც პარლამენტში კენჭისყრა გაიმართა. ვარაუდობენ, რომ ვადამდელი არჩევნები 14 ან 28 აპრილს გაიმართება.