ილიაუნის სტუდენტთა ნაწილის ინფორმაციით, რექტორი დაჰპირდა, რომ მიმდინარე პროცესებზე შესაბამისი საბჭო იმსჯელებს

ილიას სახელმწიფო უნივერსიტეტის რექტორმა გიგა ზედანიამ უნივერსიტეტის შენობა დატოვა. მანამდე რექტორი ინდივიდუალურ საუბრებს აწარმოებდა იმ სტუდენტებთან, რომლებიც ამ დრომდე შენობაში იმყოფებიან და აცხადებენ, რომ მათი მოთხოვნების დაკმაყოფილებამდე აქციას არ შეწყვეტენ.

სტუდენტთა ნაწილის ინფორმაციით, გიგა ზედანია მათ დაჰპირდა, რომ ხვალ შეიკრიბება შესაბამისი საბჭო, რომელიც მიმდინარე პროცესებთან დაკავშირებით იმსჯელებს. სტუდენტები იმედოვნებენ, რომ საბჭო მათთვის მისაღებ გადაწყვეტილებებს გამოიტანს. კერძოდ, ბიზნესსკოლას დაუბრუნდება პირვანდელი სახელი და თანამდებობაზე დაბრუნდება გიორგი ქადაგიძე.

სტუდენტთა ნაწილი უნივერსიტეტის შენობაში მთელი ღამის განმავლობაში აპირებს დარჩენას.

ალექსანდრე თვალჭრელიძე - საქართველოსთვის ნატოსთან ინტეგრაციის ლოდინი იქამდე, ვიდრე საქართველო გამთლიანდება, ჩვენი სასიცოცხლო ინტერესების ღალატია
ქართული პრესის მიმოხილვა 17.09.2019
საქართველოს საგარეო პოლიტიკა - ნაბიჯები მომავლისკენ
საქართველოს მოქალაქეები შეძლებენ უფასოდ გაიარონ კონსულტაცია უცხოელ ექიმებთან