პარიზის მეტროში მჟავის გამოყენებით თავდასხმა განხორციელდა. როგორც ფრანგული რადიოსადგური France Info იუწყება, ინციდენტის შედეგად ერთი ადამიანი მძიმედ დაშავდა.
დაზუსტებული ინფორმაციით, ინციდენტი ადგილობრივი დროით 07:00 საათზე მოხდა. ორ მგზავრს შორის შელაპარაკებას ჰქონდა ადგილი, რომლის შემდეგაც ერთ-ერთმა მათგანმა მეორე სახეში მჟავა შეასხა.
არსებული ინფორმაციით, დამნაშავე ინციდენტის ადგილიდან მიიმალა. ამჟამად პოლიცია მის ძებნას ახორციელებს.