ძალიან მნიშვნელოვანია, რომ საჯაროდ არ გაკეთდეს განცხადებები გუნდის სხვადასხვა წევრის წინააღმდეგ და ამისკენ მოვუწოდებ ყველა წევრს, - ამის შესახებ პარლამენტის თავმჯდომარემ ირაკლი კობახიძემ ჟურნალისტებს გუნდში არსებულ დაპირისპირებასთან დაკავშირებით განუცხადა.
მან, ასევე, კომენტარი გააკეთა ეკა ბესელიას მიერ ინიცირებულ კანონპროექტზე მოსამართლეების უვადოდ დანიშვნის შეჩერებასთან დაკავშირებით და აღნიშნა, რომ პარლამენტი მზად არის როგორც შინაარსთან, ისე პროცედურასთან დაკავშირებით მსჯელობისთვის.
„იურიდიული კომიტეტი განიხილავს ამ კანონპროექტს, შეიძლება დაჩქარებული, შეიძლება სტანდარტული წესით. ამაზე გადაწყვეტილებას მიიღებს პარლამენტის ბიურო. ჩვენ მზად ვართ როგორც პროცედურასთან, ისე შინაარსთან დაკავშირებით მსჯელობისთვის. რაც შეეხება გუნდში არსებულ დაპირისპირებას, ძალიან მნიშვნელოვანია, რომ საჯაროდ არ გაკეთდეს განცხადებები გუნდის სხვადასხვა წევრების წინააღმდეგ და აქეთკენ მოვუწოდებ ყველა წევრს“, - აღნიშნა ირაკლი კობახიძემ.