შსს-ს ინფორმაციით, სამტრედიისა და ფოთის დროებითი მოთავსების იზოლატორები საერთაშორისო სტანდარტების შესაბამისად განახლდა

შინაგან საქმეთა სამინისტრომ სამტრედიისა და ფოთის დროებითი მოთავსების იზოლატორები საერთაშორისო სტანდარტების შესაბამისად განაახლა.

როგორც სამინისტროს მიერ გავრცელებულ ინფორმაციაშია ნათქვამი, შინაგან საქმეთა სამინისტრო დაკავებულთა უფლებების დაცვის მაღალი სტანდარტის უზრუნველსაყოფად დროებითი მოთავსების იზოლატორების რეაბილიტაციას განაგრძობს.

უწყების ინფორმაციით, დროებითი მოთავსების უზრუნველყოფის დეპარტამენტის დირექტორმა გიორგი გამეზარდაშვილმა განახლებული იზოლატორები დაათვალიერა, რომლებიც დროებითი მოთავსების იზოლატორების შესახებ წამების პრევენციის ევროპული კომიტეტის სტანდარტებს სრულად შეესაბამება.

სამტრედიისა და ფოთის დროებითი მოთავსების იზოლატორები მთლიანად გარემონტდა და თანამედროვე ინვენტარით აღიჭურვა. ორივე იზოლატორში უკვე ფუნქციონირებს სამედიცინო პუნქტი.

როგორც სამინისტროს მიერ გავრცელებულ ინფორმაციაშია ნათქვამი შენობების და ინფრასტრუქტურის განახლების პროცესში, გათვალისწინებულ იქნა საქართველოს სახალხო დამცველის რეკომენდაციები.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა