გორის ციხესა და სურამის ციხეზე სარეაბილიტაციო სამუშაოები ჩატარდება

ისტორიულ გორის ციხესა და სურამის ციხეზე სარეაბილიტაციო სამუშაოები ჩატარდება. კულტურული მემკვიდრეობის დაცვის ეროვნული სააგენტოს დირექტორმა და შიდა ქართლის გუბერნატორმა მდგომარეობა ადგილზე შეაფასეს, მიმდინარე პროცესებს გაეცნენ და კონკრეტულ გეგმებზე ისაუბრეს.

„კულტურული მემკვიდრეობის დაცვის ეროვნული სააგენტოს ხელმძღვანელობასთან ერთად დავათვალიერეთ კულტურული მემკვიდრეობის ძეგლები. აქედან გამოვყოფ გორის ციხეს, სადაც მთელი წლის განმავლობაში გაგრძელდება არქეოლოგიური სამუშაოები, ასევე, გორის ციხეზე წლის ბოლომდე შეიქმნება სამუზეუმო სივრცე და საზოგადოების ჩართულობით ვიმუშავებთ კონცეფციაზე, თუ რა ტიპის მუზეუმი შეიძლება მოეწყოს ამ ტერიტორიაზე, რომელიც ტურისტებისთვის დამატებით შექმნის საინტერესო სივრცეს. ასევე, დავათვალიერეთ სურამის ციხე და ვფიქრობთ, რომ უახლოეს მომავალში დავიწყოთ სურამის ციხის სარეაბილიტაციო სამუშაოები - როგორც არქეოლოგიური, ისე საკონსერვაციო“, - განაცხადა შიდა ქართლის გუბერნატორმა გიორგი ხოჯევანიშვილმა.

კულტურული მემკვიდრეობის დაცვის ეროვნული სააგენტოს დირექტორის, ნიკოლოზ ანთიძის განცხადებით, სურამის ციხეზე სარეაბილიტაციო სამუშაოების წარმოება მუნიციპალური განვითარების ფონდთან ერთად იგეგმება.

„ვიმყოფებოდით სურამის ციხეზე, გორის ციხეზე, დაიგეგმა კონკრეტული საქმიანობები. იცით, რომ გორის ციხეზე მიმდინარეობს სარეაბილიტაციო სამუშაოები. მხარის გუბერნატორს გავაცანით, თუ რა პროცესები მიმდინარეობს და რა არის დაგეგმილი. მუნიციპალური განვითარების ფონდთან ერთად ასევე ვგეგმავთ, რომ დაიწყოს სურამის ციხის რეაბილიტაცია. ადგილზე შევაფასეთ მდგომარეობა“, - განაცხადა ანთიძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს