მართლწესრიგის ოფიცრების ინიციატივით N61 სკოლაში დასუფთავების აქცია ჩატარდა
შინაგან საქმეთა სამინისტროს თბილსის პოლიციის დეპარტამენტის მართლწესრიგის ოფიცრების ინიციატივით დასუფთავების აქცია ჩატარდა.
შინაგან საქმეთა სამინისტროს პრესსამსახურის ინფორმაციით, მართლწესრიგის ოფიცრებმა თბილისში, დოლიძის ქუჩაზე, N61 საჯარო სკოლის მიმდებარე ტერიტორია მანდატურებთან, სკოლის ადმინისტრაციათან, მოსწავლეებსა და მათ მშობლებთან ერთად დაასუფთავეს.
მართლწესრიგის ოფიცრებმა უსაფრთხოებისა და დანაშაულის პრევენციის შესახებ მოსწავლეთა მიერ დასმულ შეკითხვებს უპასუხეს და მოზარდებს მართლწესრიგსა და სამოქალაქო პასუხისმგებლობაზე ესაუბრნენ.
„მსგავსი სახის საზოგადოებრივი ღონისძიებები მომავალშიც გაგრძელდება. მართლწესრიგის ოფიცერი საზოგადოებაზე ორიენტირებული საპოლიციო საქმიანობის მოდელია, რომელიც მსოფლიოში დანაშაულის პრევენციის აპრობირებული ინსტრუმენტია“, - ნათქვამია პრესრელიზში.
