ქსელის გეგმური სარეაბილიტაციო სამუშაოების გამო, 19 თებერვალს, 12:00-დან 15:30 საათამდე, „ენერგო-პრო ჯორჯიას“ აბონენტების ნაწილს ელექტროენერგიის მიწოდება შეეზღუდება. ამის შესახებ „ინტერპრესნიუსს“ „ენერგო-პრო ჯორჯიადან“ აცნობეს.
მათი ინფორმაციით, ელექტროენერგიის მიწოდება შეიზღუდება ყაზბეგის რაიონის სოფლებში: სნო, აჩხოტი, სტეფანწმინდა, არშა, ოქროყანა და მიმდებარე სოფლებში.
სარეაბილიტაციო სამუშაოების დასრულებისთანავე, ელექტროენერგიის მიწოდება აღდგება ჩვეულ რეჟიმში.