თბილისის უსინათლო ბავშვთა 202-ე საჯარო სკოლის მოსწავლეებს რელიგიის საკითხთა სახელმწიფო სააგენტომ ჰუმანიტარული ტვირთი გადასცა

დღეს, თბილისის უსინათლო ბავშვთა #202 საჯარო სკოლის მოსწავლეებს რელიგიის საკითხთა სახელმწიფო სააგენტომ ჰუმანიტარული ტვირთი გადასცა. როგორც „ინტერპრესნიუსს“ რელიგიის საკითხთა სახელმწიფო სააგენტოდან აცნობეს, სკოლის დირექტორის მოვალეობის შემსრულებელმა თამარ ხვედელიძემ რელიგიის სააგენტოს გაწეული დახმარებისთვის მადლობა გადაუხადა.

„რელიგიის სააგენტო უკვე მეორე წელია, თანამშრომლობს #202 სკოლასთან. გასულ წელს სააგენტოს თანამშრომლებმა სკოლის მოსწავლეებს ბრაილის შრიფტით დაბეჭდილი ინტერრელიგიური კალენდრები გადასცეს. წელს მოსწავლეებს საახალწლო საჩუქრებიც დაურიგდათ. თანამშრომლობა სამომავლოდაც გაგრძელდება“, - ნათქვამია ინფორმაციაში.