აკაკი ბობოხიძე - სემეკიდან გამოვიდა ინფორმაცია, რომ საოჯახო სასტუმროებისთვის, როგორც იურიდიული პირებისთვის, წყლის გადასახადის დაწესებას აპირებენ
სემეკიდან გამოვიდა ინფორმაცია, რომ საოჯახო სასტუმროებისთვის, როგორც იურიდიული პირებისთვის, წყლის გადასახადის დაწესებას აპირებენ, რაც დამღუპველი იქნება ამ სექტორისთვის, - ამის შესახებ პარლამენტის სესიაზე „ევროპული საქართველოს“ წევრმა აკაკი ბობოხიძემ განაცხადა.
„სემეკიდან გამოვიდა ინფორმაცია, რომ ე.წ. საოჯახო სასტუმროების განხილვას აპირებს, როგორც ბიზნესის, რაც მართლაც ასეა, მაგრამ აპირებენ, რომ იმ ადამიანებმა, რომლებმაც თვითონ შეძლეს ამ ტოტალური უმუშევრობის პირობებში მორგებოდნენ სიტუაციას და რაღაც შემოსავალი გაეჩინათ, თავიანთ სახლებს აქირავებენ, დაუწესონ წყლის გადასახადი. ეს დამღუპველი იქნება ამ სექტორისთვის, წყალს აუცილებლად მოჰყვება შემდეგ გაზის ტარიფი და ელექტროენერგიაც“, - განაცხადა ბობოხიძემ.
