დიმიტრი ცქიტიშვილი - არც ერთ კონკრეტულ უწყებას, რომელიც არის მუდმივი წევრი უშიშროების საბჭოში,  არ უნდა ქონდეს უპირატესობა, რომ მან წარმართოს პროცესი

იქნებ ვიფიქროთ იმაზე, რომ უშიშროების საბჭოს მდივანი იყოს დამატებით ადამიანი და არა კონკრეტულად უშიშროების საბჭოს მუდმივი წევრი, - ამის შესახებ საპარლამენტო უმრავლესობის წევრმა დიმიტრი ცქიტიშვილმა პარლამენტის პლენარულ სხდომაზე განაცხადა, სადაც „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ" კანონში ცვლილებებს განიხილავენ.

„საბჭოს სამდივნო უნდა იყოს სხვადასხვა ტიპის, სხვადასხვა ხასიათის უწყებების პოზიციების გამაერთიანებელი და დამბალანსებელი. სწორედ აქედან გამომდინარეობს, რომ არც ერთ კონკრეტულ უწყებას, რომელიც არის მუდმივი წევრი უშიშროების საბჭოში, არ უნდა ჰქონდეს უპირატესობა, რომ მან წარმართოს პროცესი. ეს უნდა იყოს ერთი მხრივ, შემაჯერებელი.

ამიტომ, მე ვფიქრობ და ჩემი კითხვა და შემოთავაზებაა, იქნებ ვიფიქროთ იმაზე, რომ უშიშროების საბჭოს მდივანი იყოს დამატებით ადამიანი და არა კონკრეტულად უშიშროების საბჭოს მუდმივი წევრებისგან არჩეული ერთ-ერთი პირი, რომელიც თავისთავად წარმოადგენს ერთ-ერთ კონკრეტულ უწყებას და რომელი უწყების პოზიციაც იქნება დომინანტი,“ - განაცხადა დიმიტრი ცქიტიშვილმა.

„ეროვნული უსაფრთხოების პოლიტიკის დაგეგმვისა და კოორდინაციის წესის შესახებ" კანონში ცვლილებების შეტანის შედეგად, პრემიერ-მინისტრის ხელმძღვანელობით სათათბირო ორგანო - ეროვნული უსაფრთხოების საბჭო შეიქმნება. პროექტის მიხედვით, საბჭოს რვა მუდმივი წევრისგან შედგება და ესენი არიან: პრემიერ-მინისტრი, თავდაცვის მინისტრი, შინაგან საქმეთა მინისტრი, საგარეო საქმეთა მინისტრი, ფინანსთა მინისტრი, სახელმწიფო უსაფრთხოების სამსახურის უფროსი, დაზვერვის სამსახურის უფროსი და საქართველოს თავდაცვის ძალების მეთაური.

საბჭოს მდივნის ფუნქცია საბჭოს ერთ-ერთ მუდმივ წევრს დაეკისრება.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა