ქართველმა პარამოფარიკავეებმა 2 ოქრო მოიპოვეს

არაბეთის გაერთიანებულ საემიროებში გამართული ეტლით მოფარიკავეთა მსოფლიოს თასის გათამაშებასა და 23-წლამდელთა მსოფლიოს პირველობაზე ქართველმა პარამოფარიკავეებმა 2 ოქრო მოიპოვეს.

როგორც „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს, პარასპორტის განვითარების ცენტრში განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე პარამოფარიკავეებს - ირმა ხეცურიანს და ნინა თიბილაშვილს შეხვდა და საერთაშორისო ასპარეზზე მოპოვებული წარმატებები მიულოცა. სპორტსმენებთან შეხვედრას მინისტრის მოადგილე შალვა გოგოლაძე დაესწრო.

სამინისტროს ინფორმაციით, არაბეთის გაერთიანებულ საემიროებში გაიმართა ეტლით მოფარიკავეთა მსოფლიოს თასის გათამაშება და 23-წლამდელთა მსოფლიოს პირველობა, რომელზეც ქართველმა სპორტსმენებმა წარმატებით იასპარეზეს. ირმა ხეცურიანმა და ნინა თიბილაშვილმა პირველი ადგილი და ოქროს მედლები მოიპოვეს.

ირმა ხეცურიანმა ხმლით მოფარიკავეთა ტურნირის ფინალში, უკრაინელი მეტოქე, ოლენა ფედოტა 15-10 დაამარცხა და ჩემპიონი გახდა. აღნიშნული ირმა ხეცურიანის მე-14 ოქროს მედალია მსოფლიო თასის ტურნირებზე, რაც მართლაც გამორჩეული შედეგია.

„ნინა თიბილაშვილმა მსოფლიო ჩემპიონატზე შედეგიანად იასპარეზა და ფინალში ტაილანდელი ატიტაია ჩუკერდის (15:7) დამარცხებით 23 წლამდე ეტლით მოფარიკავეთა შორის მსოფლიოს ჩემპიონის ტიტული მოიპოვა. საინტერესოა, რომ ამ ასაკობრივ კატეგორიაში, თიბილაშვილისთვის ეს მესამე ოქროს მედალია - მსოფლიოს ჩემპიონის ტიტულს ის უკვე მესამე წელია არავის უთმობს“, – აცხადებენ სამინისტროში.

მათივე ინფორმაციით, ქართულ პარასპორტს წარმატებების მთელი სერია აქვს - ძიუდო, წოლჭიმი, მჯდომარე ფრენბურთი და, რა თქმა უნდა, პარაფარიკაობა, სპორტის ამ სახეობებში ქართველი სპორტსმენები განსაკუთრებული წარმატებებით ასპარეზობენ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს