არჩილ თალაკვაძე „თიბისიზე“ - ოპოზიციის წარმომადგენლები უნდა მოეშვან თვალთმაქცობას, რომ ბიზნესის ბედი ანაღვლებთ

ოპოზიციის წარმომადგენლები, ვინც ასეთ განცხადებებს აკეთებს, უნდა მოეშვან თვალთმაქცობას და საზოგადოების დარწმუნებას, რომ მართლაც ბიზნესის ბედი ანაღვლებთ, - ასე ეხმაურება უმრავლესობის ლიდერი არჩილ თალაკვაძე ოპოზიციის ნაწილის მიერ გაკეთებულ განცხადებებს, "თიბისი" ბანკის საქმეში ივანიშვილის ინტერესებთან დაკავშირებით.

მისივე თქმით, ოპოზიციის მხრიდან მსგავსი განცხადებები არაგულწრფელია.

არჩილ თალაკვაძემ "თიბისი" ბანკის საქმის საპარლამენტო რეჟიმში განხილვასთან დაკავშირებითაც გააკეთა კომენტარი. უმრავლესობის ლიდერი ფიქრობს, რომ პარლამენტი უნდა დაელოდოს საგამოძიებო უწყებებისა და ფინანსური ინსტიტუტის მხრიდან მიწოდებულ ინფორმაციას.

"პარლამენტი ამ საქმეს ყურადღებით ადევნებს თვალს. ამ მომენტში მეტი ინფორმაცია უნდა მოგვაწოდოს საგამოძიებო სტრუქტურებმაც, მეტი ინფორმაცია უნდა მიაწოდოს საზოგადოებას "თიბისი" ბანკის დამფუძნებლებმაც. მე ვფიქრობ, რომ მნიშვნელოვანია, პირველ რიგში, მივიღოთ ეს ინფორმაცია და შემდეგ გავაკეთოთ შეფასებები. ბანკს და ბიზნესს სახელმწიფოსგან აქვს მხარდაჭერა. კერძო ბიზნესის დაცვა ეს არის „ქართული ოცნების“ ღირებულება, რომლითაც ჩვენ ხელისუფლების პერიოდში ვსაქმიანობთ," -განმარტა არჩილ თალაკვაძემ.

ვიქტორ ყიფიანი - ევროკავშირი საქართველოს  რეგიონში მთავარ პარტნიორად მიიჩნევს და აღნიშნავს, რომ საქართველო სრულადაა ჩართული „აღმოსავლეთ პარტნიორობის“  მრავალმხრიან  არქიტექტურაში
ქართული პრესის მიმოხილვა 20.02.2020
ზაალ ანჯაფარიძე - საარჩევნო სისტემაზე ხელისუფლებასთან მოლაპარაკებებზე შეიძლება წამოვიდნენ ის პარტიები, რომლებსაც „ნაციონალების“ წინაშე რაიმე ვალდებულებები არ გააჩნიათ
„ტერაბანკმა“ იურიდიული პირებისთვის მობაილბანკი შექმნა
JTI საქართველოში ისევ საუკეთესო დამსაქმებელია
სამშენებლო პროექტი - იდეიდან უძრავ ქონებამდე
უპრეცედენტო შეთავაზება "სილქნეტისგან" - ახალი აბონენტები ინტერნეტისა და ტელევიზიის მაქსიმალურ პაკეტებს სპეციალურ ფასად გაიაქტიურებენ