ირაკლი აბესაძე უსაფრთხოების საბჭოში პრეზიდენტის როლზე - არ შეიძლება საკითხი დავტოვოთ ბახტაძე-ზურაბიშვილის კეთილგანწყობის იმედად

არ შეიძლება საკითხი დავტოვოთ ბახტაძე-ზურაბიშვილის კეთილგანწყობის იმედად, - ამის შესახებ „ევროპული საქართველოს“ წევრმა ირაკლი აბესაძემ პარლამენტის პლენარულ სხდომაზე განაცხადა, სადაც „ეროვნული უსაფრთხოების პოლიტიკის დაგეგმვისა და კოორდინაციის წესის შესახებ" ცვლილებებს განიხილავენ.

როგორც ირაკლი აბესაძემ აღნიშნა, რომ პრეზიდენტის როლი და მისი კონსტიტუციური უფლებამოსილებება ეროვნული უსაფრთხოების საბჭოში უნდა იყოს მაქსიმალურად ეფექტური, ადეკვატური პრობლემების და გამოწვევების წინაშე.

„მინდა შეგახსენოთ, რომ საქართველოს პრეზიდენტი კონსტიტუციის შესაბამისად არის თავდაცვის ძალების მთავარსარდალი, პრეზიდენტი პრემიერ-მინისტრის წარდგინებით იღებს გადაწყვეტილებას პარლამენტს მიმართოს საგანგებო მდგომარეობის გამოცხადების მოთხოვნით. პრეზიდენტი პრემიერის წარდგენით იღებს გადაწყვეტილებას საგანგებო მდგომარეობის დროს გამოიყენოს თავდაცვის ძალები, ასევე იღებს გადაწყვეტილებას დროებითი მმართველობის შემოღების შესახებ. ასევე წევს საერთო კოორდინაციას. ამიტომ როდესაც ვსაუბრობთ საქართველოს პრეზიდენტის კონსტიტუციური უფლებამოსილებების განხორციელებაში ხელის შეწყობაზე, სწორედ ამ კონსტიტუციური უფლებამოსილების განხორციელებისას ინფორმირებული გადაწყვეტილების მიღებაზე, არ შეიძლება არგუმენტად მივიღოთ პასუხი, რომ საქართველოს კონსტიტუცია არ გვაძლევს შესაძლებლობას პრეზიდენტმა მიიღოს ინფორმაცია ეროვნული უშიშროების საბჭოდან.

არ შეიძლება ეს საკითხი დავტოვოთ ბახტაძე-ზურაბიშვილის კეთილგანწყობის იმედად. ჩვენ უკვე ვნახეთ კვირიკაშვილი-მარგველაშვილის ურთიერთობა, უფრო სწორედ ივანიშვილი-მარგველაშვილის ურთიერთობა, როდესაც გაბრაზებულმა ივანიშვილმა ფაქტობრივად აგიკრძალათ მარგველაშვილთან ურთიერთობა. ხვალ, ერთი ან ოთხი წლის შემდეგ თუკი მსგავსი კრიზისი შეიქმნება, არ შეიძლება დამოკიდებული იყოს ივანიშვილის კეთილ ნებაზე. ეს არ არის პრემიერის პირადი სამდივნო“, - განაცხადა ირაკლი აბესაძემ.

ასლან ბჟანია - სოხუმსა და თბილისს შორის დიალოგი უნდა იყოს, როგორ ფორმატში, რა ფორმით, მნიშვნელობა არ აქვს
ქართული პრესის მიმოხილვა 17.01.2020
ვახტანგ ძაბირაძე - იმ ვითარებაში, როგორშიც ახლა ოპოზიციაა, ხელისუფლებას, რა თქმა უნდა, აქვს ძალაუფლების შენარჩუნების შანსი
რას უტოვებს ტექნიკური უნივერსიტეტის კანცლერი შემცვლელს - კარლო კოპალიანს?
Livo.ge-ზე უძრავი ქონების სერტიფიცირებული შეფასება 24 საათში 39 ლარად არის შესაძლებელი
სილქნეტის ოპტიკურ ქსელში დღეიდან სატელევიზიო პაკეტები იცვლება
კომპანია „თბილღვინომ“ 50 რჩეული მასპინძელი გამოავლინა