თბილისის საკრებულოში დედაქალაქის გენერალური გეგმის პროექტის განხილვა მიმდინარეობს

თბილისის საკრებულოს რეგიონალური დაგეგმარებისა და საქალაქო მეურნეობის კომიტეტის სხდომაზე დეპუტატები დედაქალაქის მიწათსარგებლობის გენერალური გეგმის პროექტს განიხილავენ.

სხდომას თბილისის მერის მოადგილე მაია ბითაძე, ურბანული საქალაქო სამსახურის უფროსი სანდრო ტოგონიძე, "სითი ინსტიტუტის" წარმომადგენლები და სხვა პირები ესწრებიან.

კომისიის თავმჯდომარე რევაზ სოხაძის განცხადებით, მერიამ საკრებულოში დედაქალაქის გენგეგმის პროექტი გადააგზავნა. საკრებულო აქტიურად მუშაობს ამ პროექტზე და იმ რეგულაციებზეც, რომელიც მნიშვნელოვნია და დედაქალაქის გენგეგმასთან ერთად მიიღებენ. კერძოდ, ეს არის საკრებულოს 14/39 დადგენილება და მასში შესატანი ცვლილებების პროექტი. სოხაძის განმარტებით, ამ დოკუმენტის სრულყოფისთვის და ახალი პროექტის წარმოსადგენად მერია აქტიურად მუშაობს.

სხდომის მონაწილეებს თბილისის მერის მოადგილემ მაია ბითაძე მიმართა. მისი თქმით, მათი სურვილია, ქალაქის გენერალური განვითარების გეგმა იყოს ისეთი დოკუმენტი, რომლის განხორციელებას მერია დიდი ყურადღებით მოეკიდება. ბითაძის განმარტებით, უახლოეს პერიოდში მიიღებენ ისეთ რეგულაციებს, რომლის შედეგადაც დედაქალაქში ქაოტური მშენებლობები აღარ იქნება.

"იქედან გამომდინარე, რომ გენგეგმა უნდა იყოს აღსრულებადი დოკუმენტი, ჩვენ მასთან ერთად მუშაობას ვასრულებთ განაშენიანების რეგულირების წესებში ცვლილებებთან დაკავშირებით, რომლის ფარგლებში უკვე დაანონსებულია, რომ აღარ მოხდება პარამეტრების მატება, კა2 ვგულისხმობ, არც ცენტრალურ, არც პერიფერიულ უბნებში, არც საგამონაკლისო შემთხვევებში ოფისისთვის ან სასტუმროსთვის, არც ინდივიდუალურ ნაკვეთებზე და არც განაშენიანების რეგულირების გეგმის ფარგლებში. ვფიქრობთ, ეს ერთის მხრივ გამოწვევაა საამშენებლო სექტორისთვის, ხოლო მეორეს მხრივ, შუალედურ პერსპექტივაში უზრუნველყოფს სექტორის დაბალანსებას და შეგვეძლება ქალაქის სწორ განვითარებაზე ფიქრი და საუბარი", - განაცხადა ბითაძემ.

მერის მოადგილემ ისაუბრა ე.წ. ჩარჩო გეგმებზეც. კერძოდ, მისი თქმით, ცნობილია, რომ „სითი ინსტიტუტს“ გარკვეულ ტერიტორიებზე სამომავლო განვითარების გეგმები უნდა მოემზადებინა. დროში რომ არ გაიწელოს, მერია ამ ჩარჩო გეგმებისთვის განკუთვნილ ბევრ ტერიტორიაზე უკვე ამზადებს ტექნიკურ დავალებებს განაშენიანების რეგულირების გეგმების მოსამზადებლად. ბითაძის თქმით, რჩება დედაქალაქის ტერიტორიების 2-3%, სადაც განაშენიანება კვლავ შეზღუდული იქნება. ძირითადად საუბარია, ლისის ტბის მიმდებარე ტერიტორიაზე, საიდანაც ტბა იკვებება.

სხდომაზე ფრაქცია „ნაციონალური მოძრაობის“ წევრმა ლევან ხაბეიშვილმა ფრაქციის სახელით დააყენა ინიციატივა, ურბანული კომისიისა და ურბანული საქალაქო სამსახურის ხელმძღვანელებმა დატოვონ თანამდებობები, რადგან ისინი საამშენებლო ბიზნესიდან მოდიან და მათი მხრიდან საზოგადოების ინტერესების ლობირება ვერ მოხდება.

სხდომა ამ წუთებშიც გრძელდება.

მარკო მიკელსონი - საქართველომ ყურადღების მოსაპოვებლად უნდა იბრძოლოს - პატარა ქვეყნები იმაზე დიდები უნდა ვიყოთ, ვიდრე ფიზიკურად ვართ
ქართული პრესის მიმოხილვა 27.02.2020
ირაკლი მელაშვილი - ვფიქრობ, საარჩევნო სისტემასთან დაკავშირებით არსებულ  ფონზე ხელისუფლებას გაუჭირდება ოპოზიციისთვის მოლაპარაკებების ჩაშლის გადაბრალება
როგორ დავაჩქაროთ მდგრადი განვითარების მიზნების განხორციელება აზიასა და წყნარ ოკეანეთში
ადგილობრივი სასტუმროების ჯგუფური და ინდივიდუალური დაჯავშნის ონლაინ პლატფორმა HOTEL HUB GEORGIA ბაზარზე ოპერირებას ამიერიდან HOTEL HUB GROUP-ის სახელით გააგრძელებს
„ბადაგონს“ საუკეთესო ქართული ღვინის კომპანიის სტატუსი მიენიჭა
GM Pharma-ს („ჯი-ემ-პი“) ხარისხის ახალი ISO სერტიფიკატი გადაეცა
სამსუნგმა Galaxy S20 სერია წარადგინა
PSP პირველი ჩაერთო გაეროს განვითარების პროგრამის პროექტში „სოციალური დაცვის სისტემის გარდაქმნა შეზღუდული შესაძლებლობის მქონე პირებისთვის“
BDO-მ ინფორმაციული უსაფრთხოების საერთაშორისო სტანდარტის ISO/IEC 27001 სერტიფიცირება გაიარა